???????�???�???�??�?? ?????? - ????????????: - ???? ??????? ??????????????

ஓம் ஶ்ரீ பரமாத்மனே நம:
அத² அஷ்டமோத்⁴யாய:
அக்ஷரபரப்³ரஹ்மயோக:³

அர்ஜுன உவாச
கிம் தத்³ப்³ரஹ்ம கிமத்⁴யாத்மம் கிம் கர்ம புருஷோத்தம ।
அதி⁴பூ⁴தம் ச கிம் ப்ரோக்தம் அதி⁴தை³வம் கிமுச்யதே ॥1॥

அதி⁴யஜ்ஞ: கத²ம் கோத்ர தே³ஹேஸ்மின்மது⁴ஸூத³ன ।
ப்ரயாணகாலே ச கத²ம் ஜ்ஞேயோஸி நியதாத்மபி⁴: ॥2॥

ஶ்ரீ ப⁴க³வானுவாச
அக்ஷரம் ப்³ரஹ்ம பரமம் ஸ்வபா⁴வோத்⁴யாத்மமுச்யதே ।
பூ⁴தபா⁴வோத்³ப⁴வகர: விஸர்க:³ கர்மஸஞ்ஜ்ஞித: ॥3॥

அதி⁴பூ⁴தம் க்ஷரோ பா⁴வ: புருஷஶ்சாதி⁴தை³வதம் ।
அதி⁴யஜ்ஞோஹமேவாத்ர தே³ஹே தே³ஹப்⁴ருதாம் வர ॥4॥

அந்தகாலே ச மாமேவ ஸ்மரன்முக்த்வா கலேவரம் ।
ய: ப்ரயாதி ஸ மத்³பா⁴வம் யாதி நாஸ்த்யத்ர ஸம்ஶய: ॥5॥

யம் யம் வாபி ஸ்மரன்பா⁴வம் த்யஜத்யந்தே கலேவரம் ।
தம் தமேவைதி கௌந்தேய ஸதா³ தத்³பா⁴வபா⁴வித: ॥6॥

தஸ்மாத்ஸர்வேஷு காலேஷு மாமனுஸ்மர யுத்⁴ய ச ।
மய்யர்பிதமனோபு³த்³தி⁴: மாமேவைஷ்யஸ்யஸம்ஶயம் ॥7॥

அப்⁴யாஸயோக³யுக்தேன சேதஸா நான்யகா³மினா ।
பரமம் புருஷம் தி³வ்யம் யாதி பார்தா²னுசிந்தயன் ॥8॥

கவிம் புராணமனுஶாஸிதாரம் அணோரணீயாம்ஸமனுஸ்மரேத்³ய: ।
ஸர்வஸ்ய தா⁴தாரமசிந்த்யரூபம் ஆதி³த்யவர்ணம் தமஸ: பரஸ்தாத் ॥9॥

ப்ரயாணகாலே மனஸாசலேன ப⁴க்த்யா யுக்தோ யோக³ப³லேன சைவ ।
ப்⁴ருவோர்மத்⁴யே ப்ராணமாவேஶ்ய ஸம்யக் ஸ தம் பரம் புருஷமுபைதி தி³வ்யம் ॥1௦॥

யத³க்ஷரம் வேத³விதோ³ வத³ந்தி விஶந்தி யத்³யதயோ வீதராகா³: ।
யதி³ச்ச²ந்தோ ப்³ரஹ்மசர்யம் சரந்தி தத்தே பத³ம் ஸங்க்³ரஹேண ப்ரவக்ஷ்யே ॥11॥

ஸர்வத்³வாராணி ஸம்யம்ய மனோ ஹ்ருதி³ நிருத்⁴ய ச ।
மூர்த்⁴ன்யாதா⁴யாத்மன: ப்ராணம் ஆஸ்தி²தோ யோக³தா⁴ரணாம் ॥12॥

ஓமித்யேகாக்ஷரம் ப்³ரஹ்ம வ்யாஹரன்மாமனுஸ்மரன் ।
ய: ப்ரயாதி த்யஜந்தே³ஹம் ஸ யாதி பரமாம் க³திம் ॥13॥

அனந்யசேதா: ஸததம் யோ மாம் ஸ்மரதி நித்யஶ: ।
தஸ்யாஹம் ஸுலப:⁴ பார்த² நித்யயுக்தஸ்ய யோகி³ன: ॥14॥

மாமுபேத்ய புனர்ஜன்ம து³:கா²லயமஶாஶ்வதம் ।
நாப்னுவந்தி மஹாத்மான: ஸம்ஸித்³தி⁴ம் பரமாம் க³தா: ॥15॥

ஆப்³ரஹ்மபு⁴வனால்லோகா: புனராவர்தினோர்ஜுன ।
மாமுபேத்ய து கௌந்தேய புனர்ஜன்ம ந வித்³யதே ॥16॥

ஸஹஸ்ரயுக³பர்யந்தம் அஹர்யத்³ப்³ரஹ்மணோ விது³: ।
ராத்ரிம் யுக³ஸஹஸ்ராந்தாம் தேஹோராத்ரவிதோ³ ஜனா: ॥17॥

அவ்யக்தாத்³வ்யக்தய: ஸர்வா: ப்ரப⁴வந்த்யஹராக³மே ।
ராத்ர்யாக³மே ப்ரலீயந்தே தத்ரைவாவ்யக்தஸஞ்ஜ்ஞகே ॥18॥

பூ⁴தக்³ராம: ஸ ஏவாயம் பூ⁴த்வா பூ⁴த்வா ப்ரலீயதே ।
ராத்ர்யாக³மேவஶ: பார்த² ப்ரப⁴வத்யஹராக³மே ॥19॥

பரஸ்தஸ்மாத்து பா⁴வோன்ய: அவ்யக்தோவ்யக்தாத்ஸனாதன: ।
ய: ஸ ஸர்வேஷு பூ⁴தேஷு நஶ்யத்ஸு ந வினஶ்யதி ॥2௦॥

அவ்யக்தோக்ஷர இத்யுக்த: தமாஹு: பரமாம் க³திம் ।
யம் ப்ராப்ய ந நிவர்தந்தே தத்³தா⁴ம பரமம் மம ॥21॥

புருஷ: ஸ பர: பார்த² ப⁴க்த்யா லப்⁴யஸ்த்வனந்யயா ।
யஸ்யாந்த: ஸ்தா²னி பூ⁴தானி யேன ஸர்வமித³ம் ததம் ॥22॥

யத்ர காலே த்வனாவ்ருத்திம் ஆவ்ருத்திம் சைவ யோகி³ன: ।
ப்ரயாதா யாந்தி தம் காலம் வக்ஷ்யாமி ப⁴ரதர்ஷப⁴ ॥23॥

அக்³னிர்ஜ்யோதிரஹ: ஶுக்ல: ஷண்மாஸா உத்தராயணம் ।
தத்ர ப்ரயாதா க³ச்ச²ந்தி ப்³ரஹ்ம ப்³ரஹ்மவிதோ³ ஜனா: ॥24॥

தூ⁴மோ ராத்ரிஸ்ததா² க்ருஷ்ண: ஷண்மாஸா த³க்ஷிணாயனம் ।
தத்ர சாந்த்³ரமஸம் ஜ்யோதி: யோகீ³ ப்ராப்ய நிவர்ததே ॥25॥

ஶுக்லக்ருஷ்ணே க³தீ ஹ்யேதே ஜக³த: ஶாஶ்வதே மதே ।
ஏகயா யாத்யனாவ்ருத்திம் அன்யயாவர்ததே புன: ॥26॥

நைதே ஸ்ருதீ பார்த² ஜானந் யோகீ³ முஹ்யதி கஶ்சன ।
தஸ்மாத்ஸர்வேஷு காலேஷு யோக³யுக்தோ ப⁴வார்ஜுன ॥27॥

வேதே³ஷு யஜ்ஞேஷு தபஸ்ஸு சைவ தா³னேஷு யத்புண்யப²லம் ப்ரதி³ஷ்டம் ।
அத்யேதி தத்ஸர்வமித³ம் விதி³த்வா யோகீ³ பரம் ஸ்தா²னமுபைதி சாத்³யம் ॥28॥

॥ ஓம் தத்ஸதி³தி ஶ்ரீமத்³ப⁴க³வத்³கீ³தாஸு உபனிஷத்ஸு ப்³ரஹ்மவித்³யாயாம்
யோக³ஶாஸ்த்ரே ஶ்ரீக்ருஷ்ணார்ஜுனஸம்வாதே³ அக்ஷரபரப்³ரஹ்மயோகோ³ நாம அஷ்டமோத்⁴யாய: ॥