??�?? ??????????? ??�????� ??????? ????????????: - ???? ??????????????

ரக்தபீ³ஜவதோ⁴ நாம அஷ்டமோத்⁴யாய ॥

த்⁴யானம்
அருணாம் கருணா தரங்கி³தாக்ஷீம் த்⁴ருதபாஶாங்குஶ புஷ்பபா³ணசாபாம் ।
அணிமாதி⁴பி⁴ராவ்ருதாம் மயூகை² ரஹமித்யேவ விபா⁴வயே ப⁴வானீம் ॥

ருஷிருவாச ॥1॥

சண்டே³ ச நிஹதே தை³த்யே முண்டே³ ச வினிபாதிதே ।
ப³ஹுளேஷு ச ஸைன்யேஷு க்ஷயிதேஷ்வஸுரேஶ்வர: ॥ 2 ॥

தத: கோபபராதீ⁴னசேதா: ஶும்ப:⁴ ப்ரதாபவான் ।
உத்³யோக³ம் ஸர்வ ஸைன்யானாம் தை³த்யானாமாதி³தே³ஶ ஹ ॥3॥

அத்³ய ஸர்வ ப³லைர்தை³த்யா: ஷட³ஶீதிருதா³யுதா⁴: ।
கம்பூ³னாம் சதுரஶீதிர்னிர்யாந்து ஸ்வப³லைர்வ்ருதா: ॥4॥

கோடிவீர்யாணி பஞ்சாஶத³ஸுராணாம் குலானி வை ।
ஶதம் குலானி தௌ⁴ம்ராணாம் நிர்க³ச்ச²ந்து மமாஜ்ஞயா ॥5॥

காலகா தௌ³ர்ஹ்ருதா³ மௌர்வா: காளிகேயாஸ்ததா²ஸுரா: ।
யுத்³தா⁴ய ஸஜ்ஜா நிர்யாந்து ஆஜ்ஞயா த்வரிதா மம ॥6॥

இத்யாஜ்ஞாப்யாஸுராபதி: ஶும்போ⁴ பை⁴ரவஶாஸன: ।
நிர்ஜகா³ம மஹாஸைன்யஸஹஸ்த்ரைர்ப⁴ஹுபி⁴ர்வ்ருத: ॥7॥

ஆயாந்தம் சண்டி³கா த்³ருஷ்ட்வா தத்ஸைன்யமதிபீ⁴ஷணம் ।
ஜ்யாஸ்வனை: பூரயாமாஸ த⁴ரணீக³க³னாந்தரம் ॥8॥

தத:ஸிம்ஹொ மஹானாத³மதீவ க்ருதவான்ன்ருப ।
க⁴ண்டாஸ்வனேன தான்னாதா³னம்பி³கா சோபப்³ரும்ஹயத் ॥9॥

த⁴னுர்ஜ்யாஸிம்ஹக⁴ண்டானாம் நாதா³பூரிததி³ங்முகா² ।
நினாதை³ர்பீ⁴ஷணை: காளீ ஜிக்³யே விஸ்தாரிதானநா ॥1௦॥

தம் நினாத³முபஶ்ருத்ய தை³த்ய ஸைன்யைஶ்சதுர்தி³ஶம் ।
தே³வீ ஸிம்ஹஸ்ததா² காளீ ஸரோஷை: பரிவாரிதா:॥11॥

ஏதஸ்மின்னந்தரே பூ⁴ப வினாஶாய ஸுரத்³விஷாம் ।
ப⁴வாயாமரஸிம்ஹனாமதிவீர்யப³லான்விதா: ॥12॥

ப்³ரஹ்மேஶகு³ஹவிஷ்ணூனாம் ததே²ந்த்³ரஸ்ய ச ஶக்தய: ।
ஶரீரேப்⁴யோவினிஷ்க்ரம்ய தத்³ரூபைஶ்சண்டி³காம் யயு: ॥13॥

யஸ்ய தே³வஸ்ய யத்³ரூபம் யதா² பூ⁴ஷணவாஹனம் ।
தத்³வதே³வ ஹி தச்சக்திரஸுரான்யோத்³து⁴மாயமௌ ॥14॥

ஹம்ஸயுக்தவிமானாக்³ரே ஸாக்ஷஸூத்ரக மண்ட³லு: ।
ஆயாதா ப்³ரஹ்மண: ஶக்திப்³ரஹ்மாணீ த்யபி⁴தீ⁴யதே ॥15॥

மஹேஶ்வரீ வ்ருஷாரூடா⁴ த்ரிஶூலவரதா⁴ரிணீ ।
மஹாஹிவலயா ப்ராப்தாசந்த்³ரரேகா²விபூ⁴ஷணா ॥16॥

கௌமாரீ ஶக்திஹஸ்தா ச மயூரவரவாஹனா ।
யோத்³து⁴மப்⁴யாயயௌ தை³த்யானம்பி³கா கு³ஹரூபிணீ ॥17॥

ததை²வ வைஷ்ணவீ ஶக்திர்க³ருடோ³பரி ஸம்ஸ்தி²தா ।
ஶங்க³சக்ரக³தா⁴ஶாங்க³ர் க²ட்³க³ஹஸ்தாப்⁴யுபாயயௌ ॥18॥

யஜ்ஞவாராஹமதுலம் ரூபம் யா பி⁴ப்⁴ரதோ ஹரே: ।
ஶக்தி: ஸாப்யாயயௌ தத்ர வாராஹீம் பி³ப்⁴ரதீ தனும் ॥19॥

நாரஸிம்ஹீ ந்ருஸிம்ஹஸ்ய பி³ப்⁴ரதீ ஸத்³ருஶம் வபு: ।
ப்ராப்தா தத்ர ஸடாக்ஷேபக்ஷிப்தனக்ஷத்ர ஸம்ஹதி: ॥2௦॥

வஜ்ர ஹஸ்தா ததை²வைந்த்³ரீ கஜ³ராஜோ பரிஸ்தி²தா ।
ப்ராப்தா ஸஹஸ்ர நயனா யதா² ஶக்ரஸ்ததை²வ ஸா ॥21॥

தத: பரிவ்ருத்தஸ்தாபி⁴ரீஶானோ தே³வ ஶக்திபி⁴: ।
ஹன்யந்தாமஸுரா: ஶீக்⁴ரம் மம ப்ரீத்யாஹ சண்டி³காம் ॥22॥

ததோ தே³வீ ஶரீராத்து வினிஷ்க்ராந்தாதிபீ⁴ஷணா ।
சண்டி³கா ஶக்திரத்யுக்³ரா ஶிவாஶதனினாதி³னீ ॥23॥

ஸா சாஹ தூ⁴ம்ரஜடிலம் ஈஶானமபராஜிதா ।
தூ³தத்வம் க³ச்ச² ப⁴க³வன் பார்ஶ்வம் ஶும்ப⁴னிஶும்ப⁴யோ: ॥24॥

ப்³ரூஹி ஶும்ப⁴ம் நிஶும்ப⁴ம் ச தா³னவாவதிக³ர்விதௌ ।
யே சான்யே தா³னவாஸ்தத்ர யுத்³தா⁴ய ஸமுபஸ்தி²தா: ॥25॥

த்ரைலோக்யமிந்த்³ரோ லப⁴தாம் தே³வா: ஸந்து ஹவிர்பு⁴ஜ: ।
யூயம் ப்ரயாத பாதாளம் யதி³ ஜீவிதுமிச்ச²த² ॥26॥

ப³லாவலேபாத³த² சேத்³ப⁴வந்தோ யுத்³த⁴காங்க்ஷிண: ।
ததா³ க³ச்ச²த த்ருப்யந்து மச்சி²வா: பிஶிதேன வ: ॥27॥

யதோ நியுக்தோ தௌ³த்யேன தயா தே³வ்யா ஶிவ: ஸ்வயம் ।
ஶிவதூ³தீதி லோகேஸ்மிம்ஸ்தத: ஸா க்²யாதி மாக³தா ॥28॥

தேபி ஶ்ருத்வா வசோ தே³வ்யா: ஶர்வாக்²யாதம் மஹாஸுரா: ।
அமர்ஷாபூரிதா ஜக்³முர்யத்ர காத்யாயனீ ஸ்தி²தா ॥29॥

தத: ப்ரத²மமேவாக்³ரே ஶரஶக்த்ய்ருஷ்டிவ்ருஷ்டிபி⁴: ।
வவர்ஷுருத்³த⁴தாமர்ஷா: ஸ்தாம் தே³வீமமராரய: ॥3௦॥

ஸா ச தான் ப்ரஹிதான் பா³ணான் ஞ்சூ²லஶக்திபரஶ்வதா⁴ன் ।
சிச்சே²த³ லீலயாத்⁴மாதத⁴னுர்முக்தைர்மஹேஷுபி⁴: ॥31॥

தஸ்யாக்³ரதஸ்ததா² காளீ ஶூலபாதவிதா³ரிதான் ।
க²ட்வாங்க³போதி²தாம்ஶ்சாரீன்குர்வந்தீ வ்யசரத்ததா³ ॥32॥

கமண்ட³லுஜலாக்ஷேபஹதவீர்யான் ஹதௌஜஸ: ।
ப்³ரஹ்மாணீ சாகரோச்ச²த்ரூன்யேன யேன ஸ்ம தா⁴வதி ॥33॥

மாஹேஶ்வரீ த்ரிஶூலேன ததா² சக்ரேண வைஷ்ணவீ ।
தை³த்யாங்ஜகா⁴ன கௌமாரீ ததா² ஶத்யாதி கோபனா ॥34॥

ஐந்த்³ரீ குலிஶபாதேன ஶதஶோ தை³த்யதா³னவா: ।
பேதுர்விதா³ரிதா: ப்ருத்²வ்யாம் ருதி⁴ரௌக⁴ப்ரவர்ஷிண: ॥35॥

துண்ட³ப்ரஹாரவித்⁴வஸ்தா த³ம்ஷ்ட்ரா க்³ரக்ஷத வக்ஷஸ: ।
வாராஹமூர்த்யா ந்யபதம்ஶ்சக்ரேண ச விதா³ரிதா: ॥36॥

நகை²ர்விதா³ரிதாம்ஶ்சான்யான் ப⁴க்ஷயந்தீ மஹாஸுரான் ।
நாரஸிம்ஹீ சசாராஜௌ நாதா³ பூர்ணதி³க³ம்ப³ரா ॥37॥

சண்டா³ட்டஹாஸைரஸுரா: ஶிவதூ³த்யபி⁴தூ³ஷிதா: ।
பேது: ப்ருதி²வ்யாம் பதிதாம்ஸ்தாம்ஶ்சகா²தா³த² ஸா ததா³ ॥38॥

இதி மாத்ரு க³ணம் க்ருத்³த⁴ம் மர்த³ யந்தம் மஹாஸுரான் ।
த்³ருஷ்ட்வாப்⁴யுபாயைர்விவிதை⁴ர்னேஶுர்தே³வாரிஸைனிகா: ॥39॥

பலாயனபராந்த்³ருஷ்ட்வா தை³த்யான்மாத்ருக³ணார்தி³தான் ।
யோத்³து⁴மப்⁴யாயயௌ க்ருத்³தோ⁴ ரக்தபீ³ஜோ மஹாஸுர: ॥4௦॥

ரக்தபி³ந்து³ர்யதா³ பூ⁴மௌ பதத்யஸ்ய ஶரீரத: ।
ஸமுத்பததி மேதி³ன்யாம் தத்ப்ரமாணோ மஹாஸுர: ॥41॥

யுயுதே⁴ ஸ க³தா³பாணிரிந்த்³ரஶக்த்யா மஹாஸுர: ।
ததஶ்சைந்த்³ரீ ஸ்வவஜ்ரேண ரக்தபீ³ஜமதாட³யத் ॥42॥

குலிஶேனாஹதஸ்யாஶு ப³ஹு ஸுஸ்ராவ ஶோணிதம் ।
ஸமுத்தஸ்து²ஸ்ததோ யோதா⁴ஸ்தத்³ரபாஸ்தத்பராக்ரமா: ॥43॥

யாவந்த: பதிதாஸ்தஸ்ய ஶரீராத்³ரக்தபி³ந்த³வ: ।
தாவந்த: புருஷா ஜாதா: ஸ்தத்³வீர்யப³லவிக்ரமா: ॥44॥

தே சாபி யுயுது⁴ஸ்தத்ர புருஷா ரக்த ஸம்ப⁴வா: ।
ஸமம் மாத்ருபி⁴ரத்யுக்³ரஶஸ்த்ரபாதாதிபீ⁴ஷணம் ॥45॥

புனஶ்ச வஜ்ர பாதேன க்ஷத மஶ்ய ஶிரோ யதா³ ।
வவாஹ ரக்தம் புருஷாஸ்ததோ ஜாதா: ஸஹஸ்ரஶ: ॥46॥

வைஷ்ணவீ ஸமரே சைனம் சக்ரேணாபி⁴ஜகா⁴ன ஹ ।
க³த³யா தாட³யாமாஸ ஐந்த்³ரீ தமஸுரேஶ்வரம்॥47॥

வைஷ்ணவீ சக்ரபி⁴ன்னஸ்ய ருதி⁴ரஸ்ராவ ஸம்ப⁴வை: ।
ஸஹஸ்ரஶோ ஜக³த்³வ்யாப்தம் தத்ப்ரமாணைர்மஹாஸுரை: ॥48॥

ஶக்த்யா ஜகா⁴ன கௌமாரீ வாராஹீ ச ததா²ஸினா ।
மாஹேஶ்வரீ த்ரிஶூலேன ரக்தபீ³ஜம் மஹாஸுரம் ॥49॥

ஸ சாபி க³த³யா தை³த்ய: ஸர்வா ஏவாஹனத் ப்ருத²க் ।
மாத்ரூ: கோபஸமாவிஷ்டோ ரக்தபீ³ஜோ மஹாஸுர: ॥5௦॥

தஸ்யாஹதஸ்ய ப³ஹுதா⁴ ஶக்திஶூலாதி³ பி⁴ர்பு⁴வி: ।
பபாத யோ வை ரக்தௌக⁴ஸ்தேனாஸஞ்சதஶோஸுரா: ॥51॥

தைஶ்சாஸுராஸ்ருக்ஸம்பூ⁴தைரஸுரை: ஸகலம் ஜக³த் ।
வ்யாப்தமாஸீத்ததோ தே³வா ப⁴யமாஜக்³முருத்தமம் ॥52॥

தான் விஷண்ணா ந் ஸுரான் த்³ருஷ்ட்வா சண்டி³கா ப்ராஹஸத்வரம் ।
உவாச காளீம் சாமுண்டே³ விஸ்தீர்ணம் வத³னம் குரு ॥53॥

மச்ச²ஸ்த்ரபாதஸம்பூ⁴தான் ரக்தபி³ந்தூ³ன் மஹாஸுரான் ।
ரக்தபி³ந்தோ³: ப்ரதீச்ச² த்வம் வக்த்ரேணானேன வேகி³னா ॥54॥

ப⁴க்ஷயந்தீ சர ரணோ தது³த்பன்னான்மஹாஸுரான் ।
ஏவமேஷ க்ஷயம் தை³த்ய: க்ஷேண ரக்தோ க³மிஷ்யதி ॥55॥

ப⁴க்ஷ்ய மாணா ஸ்த்வயா சோக்³ரா ந சோத்பத்ஸ்யந்தி சாபரே ।
இத்யுக்த்வா தாம் ததோ தே³வீ ஶூலேனாபி⁴ஜகா⁴ன தம் ॥56॥

முகே²ன காளீ ஜக்³ருஹே ரக்தபீ³ஜஸ்ய ஶோணிதம் ।
ததோஸாவாஜகா⁴னாத² க³த³யா தத்ர சண்டி³காம் ॥57॥

ந சாஸ்யா வேத³னாம் சக்ரே க³தா³பாதோல்பிகாமபி ।
தஸ்யாஹதஸ்ய தே³ஹாத்து ப³ஹு ஸுஸ்ராவ ஶோணிதம் ॥58॥

யதஸ்ததஸ்தத்³வக்த்ரேண சாமுண்டா³ ஸம்ப்ரதீச்ச²தி ।
முகே² ஸமுத்³க³தா யேஸ்யா ரக்தபாதான்மஹாஸுரா: ॥59॥

தாம்ஶ்சகா²தா³த² சாமுண்டா³ பபௌ தஸ்ய ச ஶோணிதம் ॥6௦॥

தே³வீ ஶூலேன வஜ்ரேண பா³ணைரஸிபி⁴ர் ருஷ்டிபி⁴: ।
ஜகா⁴ன ரக்தபீ³ஜம் தம் சாமுண்டா³ பீத ஶோணிதம் ॥61॥

ஸ பபாத மஹீப்ருஷ்டே² ஶஸ்த்ரஸங்க⁴ஸமாஹத: ।
நீரக்தஶ்ச மஹீபால ரக்தபீ³ஜோ மஹாஸுர: ॥62॥

ததஸ்தே ஹர்ஷ மதுலம் அவாபுஸ்த்ரித³ஶா ந்ருப ।
தேஷாம் மாத்ருக³ணோ ஜாதோ நனர்தாஸ்ரும்ங்க³மதோ³த்³த⁴த: ॥63॥

॥ ஸ்வஸ்தி ஶ்ரீ மார்கண்டே³ய புராணே ஸாவர்னிகே மன்வந்தரே தே³வி மஹத்ம்யே ரக்தபீ³ஜவதோ⁴னாம அஷ்டமோத்⁴யாய ஸமாப்தம் ॥

ஆஹுதி
ஓம் ஜயந்தீ ஸாங்கா³யை ஸஶக்திகாயை ஸபரிவாராயை ஸவாஹனாயை ரக்தாக்ஷ்யை அஷ்டமாத்ரு ஸஹிதாயை மஹாஹுதிம் ஸமர்பயாமி நம: ஸ்வாஹா ॥