??�???�?????�?? ?�??: ????:� - ???? ?????????: - ???? ??????? ??????????????

॥ த³ஶம: ஸர்க:³ ॥
॥ சதுரசதுர்பு⁴ஜ: ॥

அத்ராந்தரே மஸ்ருணரோஷவஶாமஸீம்-னி:ஶ்வாஸனி:ஸஹமுகீ²ம் ஸுமுகீ²முபேத்ய ।
ஸவ்ரீட³மீக்ஷிதஸகீ²வத³னாம் தி³னாந்தே ஸானந்த³க³த்³க³த³பத³ம் ஹரிரித்யுவாச ॥ 53 ॥

॥ கீ³தம் 19 ॥

வத³ஸி யதி³ கிஞ்சித³பி த³ந்தருசிகௌமுதீ³ ஹரதி த³ரதிமிரமதிகோ⁴ரம் ।
ஸ்பு²ரத³த⁴ரஸீத⁴வே தவ வத³னசந்த்³ரமா ரோசயது லோசனசகோரம் ॥
ப்ரியே சாருஶீலே முஞ்ச மயி மானமனிதா³னம் ஸபதி³ மத³னானலோ த³ஹதி மம மானஸம் தே³ஹி முக²கமலமது⁴பானம் ॥ 1 ॥

ஸத்யமேவாஸி யதி³ ஸுத³தி மயி கோபினீ தே³ஹி க²ரனக²ஶரகா⁴தம் ।
க⁴டய பு⁴ஜப³ந்த⁴னம் ஜனய ரத³க²ண்ட³னம் யேன வா ப⁴வதி ஸுகஜ²ாதம் ॥ 2 ॥

த்வமஸி மம பூ⁴ஷணம் த்வமஸி மம ஜீவனம் த்வமஸி ப⁴வஜலதி⁴ரத்னம் ।
ப⁴வது ப⁴வதீஹ மயி ஸததமனோரோதி⁴னி தத்ர மம ஹ்ருத³யமதிரத்னம் ॥ 3 ॥

நீலனலினாப⁴மபி தன்வி தவ லோசனம் தா⁴ரயதி கோகனத³ரூபம் ।
குஸுமஶரபா³ணபா⁴வேன யதி³ ரஞ்ஜயஸி க்ருஷ்ணமித³மேதத³னுரூபம் ॥ 4 ॥

ஸ்பு²ரது குசகும்ப⁴யோருபரி மணிமஞ்ஜரீ ரஞ்ஜயது தவ ஹ்ருத³யதே³ஶம் ।
ரஸது ரஶனாபி தவ க⁴னஜக⁴னமண்ட³லே கோ⁴ஷயது மன்மத²னிதே³ஶம் ॥ 5 ॥

ஸ்த²லகமலக³ஞ்ஜனம் மம ஹ்ருத³யரஞ்ஜனம் ஜனிதரதிரங்க³பரபா⁴க³ம் ।
ப⁴ண மஸ்ருணவாணி கரவாணி பத³பங்கஜம் ஸரஸலஸத³லக்தகராக³ம் ॥ 6 ॥

ஸ்மரக³ரலக²ண்ட³னம் மம ஶிரஸி மண்ட³னம் தே³ஹி பத³பல்லவமுதா³ரம் ।
ஜ்வலதி மயி தா³ருணோ மத³னகத³னாருணோ ஹரது தது³பாஹிதவிகாரம் ॥ 7 ॥

இதி சடுலசாடுபடுசாரு முரவைரிணோ ராதி⁴காமதி⁴ வசனஜாதம் ।
ஜயதி பத்³மாவதீரமணஜயதே³வகவி-பா⁴ரதீப⁴ணிதமதிஶாதம் ॥ 8 ॥

பரிஹர க்ருதாதங்கே ஶங்காம் த்வயா ஸததம் க⁴ன-ஸ்தனஜக⁴னயாக்ராந்தே ஸ்வாந்தே பரானவகாஶினி ।
விஶதி விதனோரன்யோ த⁴ன்யோ ந கோபி மமாந்தரம் ஸ்தனப⁴ரபரீரம்பா⁴ரம்பே⁴ விதே⁴ஹி விதே⁴யதாம் ॥ 54 ॥

முக்³தே⁴ விதே⁴ஹி மயி நிர்த³யத³ந்தத³ம்ஶ-தோ³ர்வல்லிப³ந்த⁴னிபி³ட³ஸ்தனபீட³னானி ।
சண்டி³ த்வமேவ முத³மஞ்ச ந பஞ்சபா³ண-சண்டா³லகாண்ட³த³லனாத³ஸவ: ப்ரயாந்து ॥ 55 ॥

வ்யத²யதி வ்ருதா² மௌனம் தன்வி ப்ரபஞ்சய பஞ்சமம் தருணீ மது⁴ராலாபைஸ்தாபம் வினோத³ய த்³ருஷ்டிபி⁴: ।
ஸுமுகி² விமுகீ²பா⁴வம் தாவத்³விமுஞ்ச ந முஞ்ச மாம் ஸ்வயமதிஶயஸ்னிக்³தோ⁴ முக்³தே⁴ ப்ரியிஹமுபஸ்தி²த: ॥ 56 ॥

ப³ந்தூ⁴கத்³யுதிபா³ந்த⁴வோயமத⁴ர: ஸ்னிக்³தோ⁴ மதூ⁴கச்சவி-ர்க³ண்ட³ஶ்சண்டி³ சகாஸ்தி நீலனலினஶ்ரீமோசனம் லோசனம் ।
நாஸாப்⁴யேதி திலப்ரஸூனபத³வீம் குந்தா³ப⁴தா³ந்தி ப்ரியே ப்ராயஸ்த்வன்முக²ஸேவயா விஜயதே விஶ்வம் ஸ புஷ்பாயுத:⁴ ॥ 57 ॥

த்³ருஶௌ தவ மதா³லஸே வத³னமிந்து³ஸந்தீ³பகம் க³திர்ஜனமனோரமா விது⁴தரம்ப⁴மூருத்³வயம் ।
ரதிஸ்தவ கலாவதீ ருசிரசித்ரலேகே² ப்⁴ருவா-வஹோ விபு³த⁴யௌவனம் வஹஸி தன்வீ ப்ருத்²வீக³தா ॥ 58 ॥

॥ இதி ஶ்ரீகீ³தகோ³விந்தே³ மானினீவர்ணனே சதுரசதுர்பு⁴ஜோ நாம த³ஶம: ஸர்க:³ ॥