??�???�?????�?? ?????: ????:� - ???�? ?????: - ???? ??????? ??????????????

॥ ஸப்தம: ஸர்க:³ ॥
॥ நாக³ரனாராயண: ॥

அத்ராந்தரே ச குலடாகுலவர்த்மபாத-ஸஞ்ஜாதபாதக இவ ஸ்பு²டலாஞ்ச²னஶ்ரீ: ।
வ்ருந்தா³வனாந்தரமதீ³பயத³ம்ஶுஜாலை-ர்தி³க்ஸுந்த³ரீவத³னசந்த³னபி³ந்து³ரிந்து³: ॥ 4௦ ॥

ப்ரஸரதி ஶஶத⁴ரபி³ம்பே³ விஹிதவிலம்பே³ ச மாத⁴வே விது⁴ரா ।
விரசிதவிவித⁴விலாபம் ஸா பரிதாபம் சகாரோச்சை: ॥ 41 ॥

॥ கீ³தம் 13 ॥

கதி²தஸமயேபி ஹரிரஹஹ ந யயௌ வனம் ।
மம விப²லமித³மமலரூபமபி யௌவனம் ॥
யாமி ஹே கமிஹ ஶரணம் ஸகீ²ஜனவசனவஞ்சிதா ॥ 1 ॥

யத³னுக³மனாய நிஶி க³ஹனமபி ஶீலிதம் ।
தேன மம ஹ்ருத³யமித³மஸமஶரகீலிதம் ॥ 2 ॥

மம மரணமேவ வரமதிவிதத²கேதனா ।
கிமிஹ விஷஹாமி விரஹானலசேதனா ॥ 3 ॥

மாமஹஹ விது⁴ரயதி மது⁴ரமது⁴யாமினீ ।
காபி ஹரிமனுப⁴வதி க்ருதஸுக்ருதகாமினீ ॥ 4 ॥

அஹஹ கலயாமி வலயாதி³மணீபூ⁴ஷணம் ।
ஹரிவிரஹத³ஹனவஹனேன ப³ஹுதூ³ஷணம் ॥ 5 ॥

குஸுமஸுகுமாரதனுமதனுஶரலீலயா ।
ஸ்ரக³பி ஹ்ருதி³ ஹந்தி மாமதிவிஷமஶீலயா ॥ 6 ॥

அஹமிஹ நிவஸாமி நக³ணிதவனவேதஸா ।
ஸ்மரதி மது⁴ஸூத³னோ மாமபி ந சேதஸா ॥ 7 ॥

ஹரிசரணஶரணஜயதே³வகவிபா⁴ரதீ ।
வஸது ஹ்ருதி³ யுவதிரிவ கோமலகலாவதீ ॥ 8 ॥

தத்கிம் காமபி காமினீமபி⁴ஸ்ருத: கிம் வா கலாகேலிபி⁴-ர்ப³த்³தோ⁴ ப³ந்து⁴பி⁴ரந்த⁴காரிணி வனோபாந்தே கிமு ப்⁴ராம்யதி ।
காந்த: க்லாந்தமனா மனாக³பி பதி² ப்ரஸ்தா²துமேவாக்ஷம: ஸங்கேதீக்ருதமஞ்ஜுவஞ்ஜுலலதாகுஞ்ஜேபி யன்னாக³த: ॥ 42 ॥

அதா²க³தாம் மாத⁴வமந்தரேண ஸகீ²மியம் வீக்ஷ்ய விஷாத³மூகாம் ।
விஶங்க்மானா ரமிதம் கயாபி ஜனார்த³னம் த்³ருஷ்டவதே³ததா³ஹ ॥ 43 ॥

॥ கீ³தம் 14 ॥

ஸ்மரஸமரோசிதவிரசிதவேஶா ।
க³லிதகுஸுமத³ரவிலுலிதகேஶா ॥
காபி மது⁴ரிபுணா விலஸதி யுவதிரதி⁴ககு³ணா ॥ 1 ॥

ஹரிபரிரம்ப⁴ணவலிதவிகாரா ।
குசகலஶோபரி தரலிதஹாரா ॥ 2 ॥

விசலத³லகலலிதானநசந்த்³ரா ।
தத³த⁴ரபானரப⁴ஸக்ருததந்த்³ரா ॥ 3 ॥

சஞ்சலகுண்ட³லத³லிதகபோலா ।
முக²ரிதரஸனஜக⁴னக³லிதலோலா ॥ 4 ॥

த³யிதவிலோகிதலஜ்ஜிதஹஸிதா ।
ப³ஹுவித⁴கூஜிதரதிரஸரஸிதா ॥ 5 ॥

விபுலபுலகப்ருது²வேபது²ப⁴ங்கா³ ।
ஶ்வஸிதனிமீலிதவிகஸத³னங்கா³ ॥ 6 ॥

ஶ்ரமஜலகணப⁴ரஸுப⁴க³ஶரீரா ।
பரிபதிதோரஸி ரதிரணதீ⁴ரா ॥ 7 ॥

ஶ்ரீஜயதே³வப⁴ணிதஹரிரமிதம் ।
கலிகலுஷம் ஜனயது பரிஶமிதம் ॥ 8 ॥

விரஹபாண்டு³முராரிமுகா²ம்பு³ஜ-த்³யுதிரியம் திரயன்னபி சேதனாம் ।
விது⁴ரதீவ தனோதி மனோபு⁴வ: ஸஹ்ருத³யே ஹ்ருத³யே மத³னவ்யதா²ம் ॥ 44 ॥

॥ கீ³தம் 15 ॥

ஸமுதி³தமத³னே ரமணீவத³னே சும்ப³னவலிதாத⁴ரே ।
ம்ருக³மத³திலகம் லிக²தி ஸபுலகம் ம்ருக³மிவ ரஜனீகரே ॥
ரமதே யமுனாபுலினவனே விஜயீ முராரிரது⁴னா ॥ 1 ॥

க⁴னசயருசிரே ரசயதி சிகுரே தரலிததருணானநே ।
குரப³ககுஸுமம் சபலாஸுஷமம் ரதிபதிம்ருக³கானநே ॥ 2 ॥

க⁴டயதி ஸுக⁴னே குசயுக³க³க³னே ம்ருக³மத³ருசிரூஷிதே ।
மணிஸரமமலம் தாரகபடலம் நக²பத³ஶஶிபூ⁴ஷிதே ॥ 3 ॥

ஜிதபி³ஸஶகலே ம்ருது³பு⁴ஜயுக³லே கரதலனலினீத³லே ।
மரகதவலயம் மது⁴கரனிசயம் விதரதி ஹிமஶீதலே ॥ 4 ॥

ரதிக்³ருஹஜக⁴னே விபுலாபக⁴னே மனஸிஜகனகாஸனே ।
மணிமயரஸனம் தோரணஹஸனம் விகிரதி க்ருதவாஸனே ॥ 5 ॥

சரணகிஸலயே கமலானிலயே நக²மணிக³ணபூஜிதே ।
ப³ஹிரபவரணம் யாவகப⁴ரணம் ஜனயதி ஹ்ருதி³ யோஜிதே ॥ 6 ॥

ரமயதி ஸத்³ருஶம் காமபி ஸுப்⁴ருஶம் க²லஹலத⁴ரஸோத³ரே ।
கிமப²லமவஸம் சிரமிஹ விரஸம் வத³ ஸகி² விடபோத³ரே ॥ 7 ॥

இஹ ரஸப⁴ணனே க்ருதஹரிகு³ணனே மது⁴ரிபுபத³ஸேவகே ।
கலியுக³சரிதம் ந வஸது து³ரிதம் கவின்ருபஜயதே³வகே ॥ 8 ॥

நாயாத: ஸகி² நிர்த³யோ யதி³ ஶட²ஸ்த்வம் தூ³தி கிம் தூ³யஸே ஸ்வச்ச²ந்த³ம் ப³ஹுவல்லப:⁴ ஸ ரமதே கிம் தத்ர தே தூ³ஷணம் ।
பஶ்யாத்³ய ப்ரியஸம்க³மாய த³யிதஸ்யாக்ருஷ்யமாணம் க³ணை-ருத்கண்டா²ர்திப⁴ராதி³வ ஸ்பு²டதி³த³ம் சேத: ஸ்வயம் யாஸ்யதி ॥ 45 ॥

॥ கீ³தம் 16 ॥

அனிலதரலகுவலயனயனேன ।
தபதி ந ஸா கிஸலயஶயனேன ॥
ஸகி² யா ரமிதா வனமாலினா ॥ 1 ॥

விகஸிதஸரஸிஜலலிதமுகே²ன ।
ஸ்பு²டதி ந ஸா மனஸிஜவிஶிகே²ன ॥ 2 ॥

அம்ருதமது⁴ரம்ருது³தரவசனேன ।
ஜ்வலதி ந ஸா மலயஜபவனேன ॥ 3 ॥

ஸ்த²லஜலருஹருசிகரசரணேன ।
லுட²தி ந ஸா ஹிமகரகிரணேன ॥ 4 ॥

ஸஜலஜலத³ஸமுத³யருசிரேண ।
த³லதி ந ஸா ஹ்ருதி³ சிரவிரஹேண ॥ 5 ॥

கனகனிகஷருசிஶுசிவஸனேன ।
ஶ்வஸதி ந ஸா பரிஜனஹஸனேன ॥ 6 ॥

ஸகலபு⁴வனஜனவரதருணேன ।
வஹதி ந ஸா ருஜமதிகருணேன ॥ 7 ॥

ஶ்ரீஜயதே³வப⁴ணிதவசனேன ।
ப்ரவிஶது ஹரிரபி ஹ்ருத³யமனேன ॥ 8 ॥

மனோப⁴வானந்த³ன சந்த³னானில ப்ரஸீத³ ரே த³க்ஷிண முஞ்ச வாமதாம் ।
க்ஷணம் ஜக³த்ப்ராண விதா⁴ய மாத⁴வம் புரோ மம ப்ராணஹரோ ப⁴விஷ்யஸி ॥ 46 ॥

ரிபுரிவ ஸகீ²ஸம்வாஸோயம் ஶிகீ²வ ஹிமானிலோ விஷமிவ ஸுதா⁴ரஶ்மிர்யஸ்மிந்து³னோதி மனோக³தே ।
ஹ்ருத³யமத³யே தஸ்மின்னேவம் புனர்வலதே ப³லாத் குவலயத்³ருஶாம் வாம: காமோ நிகாமனிரங்குஶ: ॥ 47 ॥

பா³தா⁴ம் விதே⁴ஹி மலயானில பஞ்சபா³ண ப்ராணான்க்³ருஹாண ந க்³ருஹம் புனராஶ்ரயிஷ்யே ।
கிம் தே க்ருதாந்தப⁴கி³னி க்ஷமயா தரங்கை³-ரங்கா³னி ஸிஞ்ச மம ஶாம்யது தே³ஹதா³ஹ: ॥ 48 ॥

ப்ராதர்னீலனிசோலமச்யுதமுரஸ்ஸம்வீதபீதாம்ப³ரம்
ரதா⁴யாஶ்கிதம் விலோக்ய ஹஸதி ஸ்வைரம் ஸகீ²மண்ட³லே ।
வ்ரீடா³சஞ்சலமஞ்சலம் நயனயோராதா⁴ய ராதா⁴னநே
ஸ்வாது³ஸ்மேரமுகோ²யமஸ்து ஜக³தா³னந்தா³ய நந்தா³த்மஜ:॥ (கஸ்மிம்ஶ்சன பாடா²ந்தரே இத³ம் பத்³யம் வித்³யதே)

॥ இதி கீ³தகோ³விந்தே³ விப்ரலப்³தா⁴வர்ணனே நாக³னாராயணோ நாம ஸப்தம: ஸர்க:³ ॥