?????????? ?�?? 8 - ???????????? - ?????? ??????????????

ஏவம் தாவத் ப்ராக்ருதப்ரக்ஷயாந்தே
ப்³ராஹ்மே கல்பே ஹ்யாதி³மே லப்³தஜ⁴ன்மா ।
ப்³ரஹ்மா பூ⁴யஸ்த்வத்த ஏவாப்ய வேதா³ன்
ஸ்ருஷ்டிம் சக்ரே பூர்வகல்போபமானாம் ॥1॥

ஸோயம் சதுர்யுக³ஸஹஸ்ரமிதான்யஹானி
தாவன்மிதாஶ்ச ரஜனீர்ப³ஹுஶோ நினாய ।
நித்³ராத்யஸௌ த்வயி நிலீய ஸமம் ஸ்வஸ்ருஷ்டை-
ர்னைமித்திகப்ரலயமாஹுரதோஸ்ய ராத்ரிம் ॥2॥

அஸ்மாத்³ருஶாம் புனரஹர்முக²க்ருத்யதுல்யாம்
ஸ்ருஷ்டிம் கரோத்யனுதி³னம் ஸ ப⁴வத்ப்ரஸாதா³த் ।
ப்ராக்³ப்³ராஹ்மகல்பஜனுஷாம் ச பராயுஷாம் து
ஸுப்தப்ரபோ³த⁴னஸமாஸ்தி ததா³பி ஸ்ருஷ்டி: ॥3॥

பஞ்சாஶத³ப்³த³மது⁴னா ஸ்வவயோர்த⁴ரூப-
மேகம் பரார்த⁴மதிவ்ருத்ய ஹி வர்ததேஸௌ ।
தத்ராந்த்யராத்ரிஜனிதான் கத²யாமி பூ⁴மன்
பஶ்சாத்³தி³னாவதரணே ச ப⁴வத்³விலாஸான் ॥4॥

தி³னாவஸானேத² ஸரோஜயோனி:
ஸுஷுப்திகாமஸ்த்வயி ஸன்னிலில்யே ।
ஜக³ந்தி ச த்வஜ்ஜட²ரம் ஸமீயு-
ஸ்ததே³த³மேகார்ணவமாஸ விஶ்வம் ॥5॥

தவைவ வேஷே ப²ணிராஜி ஶேஷே
ஜலைகஶேஷே பு⁴வனே ஸ்ம ஶேஷே ।
ஆனந்த³ஸாந்த்³ரானுப⁴வஸ்வரூப:
ஸ்வயோக³னித்³ராபரிமுத்³ரிதாத்மா ॥6॥

காலாக்²யஶக்திம் ப்ரலயாவஸானே
ப்ரபோ³த⁴யேத்யாதி³ஶதா கிலாதௌ³ ।
த்வயா ப்ரஸுப்தம் பரிஸுப்தஶக்தி-
வ்ரஜேன தத்ராகி²லஜீவதா⁴ம்னா ॥7॥

சதுர்யுகா³ணாம் ச ஸஹஸ்ரமேவம்
த்வயி ப்ரஸுப்தே புனரத்³விதீயே ।
காலாக்²யஶக்தி: ப்ரத²மப்ரபு³த்³தா⁴
ப்ராபோ³த⁴யத்த்வாம் கில விஶ்வனாத² ॥8॥

விபு³த்⁴ய ச த்வம் ஜலக³ர்ப⁴ஶாயின்
விலோக்ய லோகானகி²லான் ப்ரலீனான் ।
தேஷ்வேவ ஸூக்ஷ்மாத்மதயா நிஜாந்த: -
ஸ்தி²தேஷு விஶ்வேஷு த³தா³த² த்³ருஷ்டிம் ॥9॥

ததஸ்த்வதீ³யாத³யி நாபி⁴ரந்த்⁴ரா-
து³த³ஞ்சிதம் கிஞ்சன தி³வ்யபத்³மம் ।
நிலீனநிஶ்ஶேஷபதா³ர்த²மாலா-
ஸங்க்ஷேபரூபம் முகுலாயமானம் ॥1௦॥

ததே³தத³ம்போ⁴ருஹகுட்³மலம் தே
கலேவராத் தோயபதே² ப்ரரூட⁴ம் ।
ப³ஹிர்னிரீதம் பரித: ஸ்பு²ரத்³பி⁴:
ஸ்வதா⁴மபி⁴ர்த்⁴வாந்தமலம் ந்யக்ருந்தத் ॥11॥

ஸம்பு²ல்லபத்ரே நிதராம் விசித்ரே
தஸ்மின் ப⁴வத்³வீர்யத்⁴ருதே ஸரோஜே ।
ஸ பத்³மஜன்மா விதி⁴ராவிராஸீத்
ஸ்வயம்ப்ரபு³த்³தா⁴கி²லவேத³ராஶி: ॥12॥

அஸ்மின் பராத்மன் நனு பாத்³மகல்பே
த்வமித்த²முத்தா²பிதபத்³மயோனி: ।
அனந்தபூ⁴மா மம ரோக³ராஶிம்
நிருந்தி⁴ வாதாலயவாஸ விஷ்ணோ ॥13॥