?????????? ?�?? 8? - ?????????????�????? - ?????? ??????????????

ஸத்ராஜிதஸ்த்வமத² லுப்³த⁴வத³ர்கலப்³த⁴ம்
தி³வ்யம் ஸ்யமந்தகமணிம் ப⁴க³வன்னயாசீ: ।
தத்காரணம் ப³ஹுவித⁴ம் மம பா⁴தி நூனம்
தஸ்யாத்மஜாம் த்வயி ரதாம் ச²லதோ விவோடு⁴ம் ॥1॥

அத³த்தம் தம் துப்⁴யம் மணிவரமனேனால்பமனஸா
ப்ரஸேனஸ்தத்³ப்⁴ராதா க³லபு⁴வி வஹன் ப்ராப ம்ருக³யாம் ।
அஹன்னேனம் ஸிம்ஹோ மணிமஹஸி மாம்ஸப்⁴ரமவஶாத்
கபீந்த்³ரஸ்தம் ஹத்வா மணிமபி ச பா³லாய த³தி³வான் ॥2॥

ஶஶம்ஸு: ஸத்ராஜித்³கி³ரமனு ஜனாஸ்த்வாம் மணிஹரம்
ஜனானாம் பீயூஷம் ப⁴வதி கு³ணினாம் தோ³ஷகணிகா ।
தத: ஸர்வஜ்ஞோபி ஸ்வஜனஸஹிதோ மார்க³ணபர:
ப்ரஸேனம் தம் த்³ருஷ்ட்வா ஹரிமபி க³தோபூ⁴: கபிகு³ஹாம் ॥3॥

ப⁴வந்தமவிதர்கயன்னதிவயா: ஸ்வயம் ஜாம்ப³வான்
முகுந்த³ஶரணம் ஹி மாம் க இஹ ரோத்³து⁴மித்யாலபன் ।
விபோ⁴ ரகு⁴பதே ஹரே ஜய ஜயேத்யலம் முஷ்டிபி⁴-
ஶ்சிரம் தவ ஸமர்சனம் வ்யதி⁴த ப⁴க்தசூடா³மணி: ॥4॥

பு³த்⁴வாத² தேன த³த்தாம் நவரமணீம் வரமணிம் ச பரிக்³ருஹ்ணன் ।
அனுக்³ருஹ்ணன்னமுமாகா³: ஸபதி³ ச ஸத்ராஜிதே மணிம் ப்ராதா³: ॥5॥

தத³னு ஸ க²லு ப்³ரீலாலோலோ விலோலவிலோசனாம்
து³ஹிதரமஹோ தீ⁴மான் பா⁴மாம் கி³ரைவ பரார்பிதாம் ।
அதி³த மணினா துப்⁴யம் லப்⁴யம் ஸமேத்ய ப⁴வானபி
ப்ரமுதி³தமனாஸ்தஸ்யைவாதா³ன்மணிம் க³ஹனாஶய: ॥6॥

வ்ரீலாகுலாம் ரமயதி த்வயி ஸத்யபா⁴மாம்
கௌந்தேயதா³ஹகத²யாத² குரூன் ப்ரயாதே ।
ஹீ கா³ந்தி³னேயக்ருதவர்மகி³ரா நிபாத்ய
ஸத்ராஜிதம் ஶதத⁴னுர்மணிமாஜஹார ॥7॥

ஶோகாத் குரூனுபக³தாமவலோக்ய காந்தாம்
ஹத்வா த்³ருதம் ஶதத⁴னும் ஸமஹர்ஷயஸ்தாம் ।
ரத்னே ஸஶங்க இவ மைதி²லகே³ஹமேத்ய
ராமோ க³தா³ம் ஸமஶிஶிக்ஷத தா⁴ர்தராஷ்ட்ரம் ॥8॥

அக்ரூர ஏஷ ப⁴க³வன் ப⁴வதி³ச்ச²யைவ
ஸத்ராஜித: குசரிதஸ்ய யுயோஜ ஹிம்ஸாம் ।
அக்ரூரதோ மணிமனாஹ்ருதவான் புனஸ்த்வம்
தஸ்யைவ பூ⁴திமுபதா⁴துமிதி ப்³ருவந்தி ॥9॥

ப⁴க்தஸ்த்வயி ஸ்தி²ரதர: ஸ ஹி கா³ந்தி³னேய-
ஸ்தஸ்யைவ காபத²மதி: கத²மீஶ ஜாதா ।
விஜ்ஞானவான் ப்ரஶமவானஹமித்யுதீ³ர்ணம்
க³ர்வம் த்⁴ருவம் ஶமயிதும் ப⁴வதா க்ருதைவ ॥1௦॥

யாதம் ப⁴யேன க்ருதவர்மயுதம் புனஸ்த-
மாஹூய தத்³வினிஹிதம் ச மணிம் ப்ரகாஶ்ய ।
தத்ரைவ ஸுவ்ரதத⁴ரே வினிதா⁴ய துஷ்யன்
பா⁴மாகுசாந்தஶயன: பவனேஶ பாயா: ॥11॥