????�??????? ???????� ????????? - ??????????? ?????? ??????????????

ஸதா³ பா³லரூபாபி விக்⁴னாத்³ரிஹந்த்ரீ
மஹாத³ந்திவக்த்ராபி பஞ்சாஸ்யமான்யா ।
விதீ⁴ந்த்³ராதி³ம்ருக்³யா க³ணேஶாபி⁴தா⁴ மே
வித⁴த்தாம் ஶ்ரியம் காபி கள்யாணமூர்தி: ॥ 1 ॥

ந ஜானாமி ஶப்³த³ம் ந ஜானாமி சார்த²ம்
ந ஜானாமி பத்³யம் ந ஜானாமி க³த்³யம் ।
சிதே³கா ஷடா³ஸ்யா ஹ்ருதி³ த்³யோததே மே
முகா²ன்னி:ஸரந்தே கி³ரஶ்சாபி சித்ரம் ॥ 2 ॥

மயூராதி⁴ரூட⁴ம் மஹாவாக்யகூ³ட⁴ம்
மனோஹாரிதே³ஹம் மஹச்சித்தகே³ஹம் ।
மஹீதே³வதே³வம் மஹாவேத³பா⁴வம்
மஹாதே³வபா³லம் பஜ⁴ே லோகபாலம் ॥ 3 ॥

யதா³ ஸம்னிதா⁴னம் க³தா மானவா மே
ப⁴வாம்போ⁴தி⁴பாரம் க³தாஸ்தே ததை³வ ।
இதி வ்யஞ்ஜயன்ஸிந்து⁴தீரே ய ஆஸ்தே
தமீடே³ பவித்ரம் பராஶக்திபுத்ரம் ॥ 4 ॥

யதா²ப்³தே⁴ஸ்தரங்கா³ லயம் யாந்தி துங்கா³-
ஸ்ததை²வாபத:³ ஸம்னிதௌ⁴ ஸேவதாம் மே ।
இதீவோர்மிபங்க்தீர்ன்ருணாம் த³ர்ஶயந்தம்
ஸதா³ பா⁴வயே ஹ்ருத்ஸரோஜே கு³ஹம் தம் ॥ 5 ॥

கி³ரௌ மன்னிவாஸே நரா யேதி⁴ரூடா⁴-
ஸ்ததா³ பர்வதே ராஜதே தேதி⁴ரூடா⁴: ।
இதீவ ப்³ருவன்க³ந்த⁴ஶைலாதி⁴ரூட:⁴
ஸ தே³வோ முதே³ மே ஸதா³ ஷண்முகோ²ஸ்து ॥ 6 ॥

மஹாம்போ⁴தி⁴தீரே மஹாபாபசோரே
முனீந்த்³ரானுகூலே ஸுக³ந்தா⁴க்²யஶைலே ।
கு³ஹாயாம் வஸந்தம் ஸ்வபா⁴ஸா லஸந்தம்
ஜனார்திம் ஹரந்தம் ஶ்ரயாமோ கு³ஹம் தம் ॥ 7 ॥

லஸத்ஸ்வர்ணகே³ஹே ந்ருணாம் காமதோ³ஹே
ஸுமஸ்தோமஸஞ்ச²ன்னமாணிக்யமஞ்சே ।
ஸமுத்³யத்ஸஹஸ்ரார்கதுல்யப்ரகாஶம்
ஸதா³ பா⁴வயே கார்திகேயம் ஸுரேஶம் ॥ 8 ॥

ரணத்³த⁴ம்ஸகே மஞ்ஜுலேத்யந்தஶோணே
மனோஹாரிலாவண்யபீயூஷபூர்ணே ।
மன:ஷட்பதோ³ மே ப⁴வக்லேஶதப்த:
ஸதா³ மோத³தாம் ஸ்கந்த³ தே பாத³பத்³மே ॥ 9 ॥

ஸுவர்ணாப⁴தி³வ்யாம்ப³ரைர்பா⁴ஸமானாம்
க்வணத்கிங்கிணீமேக²லாஶோப⁴மானாம் ।
லஸத்³தே⁴மபட்டேன வித்³யோதமானாம்
கடிம் பா⁴வயே ஸ்கந்த³ தே தீ³ப்யமானாம் ॥ 1௦ ॥

புலிந்தே³ஶகன்யாக⁴னாபோ⁴க³துங்க-³
ஸ்தனாலிங்க³னாஸக்தகாஶ்மீரராக³ம் ।
நமஸ்யாம்யஹம் தாரகாரே தவோர:
ஸ்வப⁴க்தாவனே ஸர்வதா³ ஸானுராக³ம் ॥ 11 ॥

விதௌ⁴ க்ல்ருப்தத³ண்டா³ன்ஸ்வலீலாத்⁴ருதாண்டா³-
ந்னிரஸ்தேப⁴ஶுண்டா³ந்த்³விஷத்காலத³ண்டா³ன் ।
ஹதேந்த்³ராரிஷண்டா³ன்ஜக³த்ராணஶௌண்டா³-
ந்ஸதா³ தே ப்ரசண்டா³ன்ஶ்ரயே பா³ஹுத³ண்டா³ன் ॥ 12 ॥

ஸதா³ ஶாரதா³: ஷண்ம்ருகா³ங்கா யதி³ ஸ்யு:
ஸமுத்³யந்த ஏவ ஸ்தி²தாஶ்சேத்ஸமந்தாத் ।
ஸதா³ பூர்ணபி³ம்பா³: களங்கைஶ்ச ஹீனா-
ஸ்ததா³ த்வன்முகா²னாம் ப்³ருவே ஸ்கந்த³ ஸாம்யம் ॥ 13 ॥

ஸ்பு²ரன்மந்த³ஹாஸை: ஸஹம்ஸானி சஞ்ச-
த்கடாக்ஷாவலீப்⁴ருங்க³ஸங்கோ⁴ஜ்ஜ்வலானி ।
ஸுதா⁴ஸ்யந்தி³பி³ம்பா³த⁴ராணீஶஸூனோ
தவாலோகயே ஷண்முகா²ம்போ⁴ருஹாணி ॥ 14 ॥

விஶாலேஷு கர்ணாந்ததீ³ர்கே⁴ஷ்வஜஸ்ரம்
த³யாஸ்யந்தி³ஷு த்³வாத³ஶஸ்வீக்ஷணேஷு ।
மயீஷத்கடாக்ஷ: ஸக்ருத்பாதிதஶ்சே-
த்³ப⁴வேத்தே த³யாஶீல கா நாம ஹானி: ॥ 15 ॥

ஸுதாங்கோ³த்³ப⁴வோ மேஸி ஜீவேதி ஷட்³தா⁴
ஜபன்மந்த்ரமீஶோ முதா³ ஜிக்⁴ரதே யான் ।
ஜக³த்³பா⁴ரப்⁴ருத்³ப்⁴யோ ஜக³ன்னாத² தேப்⁴ய:
கிரீடோஜ்ஜ்வலேப்⁴யோ நமோ மஸ்தகேப்⁴ய: ॥ 16 ॥

ஸ்பு²ரத்³ரத்னகேயூரஹாராபி⁴ராம-
ஶ்சலத்குண்ட³லஶ்ரீலஸத்³க³ண்ட³பா⁴க:³ ।
கடௌ பீதவாஸா: கரே சாருஶக்தி:
புரஸ்தான்மமாஸ்தாம் புராரேஸ்தனூஜ: ॥ 17 ॥

இஹாயாஹி வத்ஸேதி ஹஸ்தான்ப்ரஸார்யா-
ஹ்வயத்யாத³ராச்ச²ங்கரே மாதுரங்காத் ।
ஸமுத்பத்ய தாதம் ஶ்ரயந்தம் குமாரம்
ஹராஶ்லிஷ்டகா³த்ரம் பஜ⁴ே பா³லமூர்திம் ॥ 18 ॥

குமாரேஶஸூனோ கு³ஹ ஸ்கந்த³ ஸேனா-
பதே ஶக்திபாணே மயூராதி⁴ரூட⁴ ।
புலிந்தா³த்மஜாகாந்த ப⁴க்தார்திஹாரின்
ப்ரபோ⁴ தாரகாரே ஸதா³ ரக்ஷ மாம் த்வம் ॥ 19 ॥

ப்ரஶாந்தேந்த்³ரியே நஷ்டஸஞ்ஜ்ஞே விசேஷ்டே
கபோ²த்³கா³ரிவக்த்ரே ப⁴யோத்கம்பிகா³த்ரே ।
ப்ரயாணோன்முகே² மய்யனாதே² ததா³னீம்
த்³ருதம் மே த³யாலோ ப⁴வாக்³ரே கு³ஹ த்வம் ॥ 2௦ ॥

க்ருதாந்தஸ்ய தூ³தேஷு சண்டே³ஷு கோபா-
த்³த³ஹச்சி²ந்த்³தி⁴ பி⁴ந்த்³தீ⁴தி மாம் தர்ஜயத்ஸு ।
மயூரம் ஸமாருஹ்ய மா பை⁴ரிதி த்வம்
புர: ஶக்திபாணிர்மமாயாஹி ஶீக்⁴ரம் ॥ 21 ॥

ப்ரணம்யாஸக்ருத்பாத³யோஸ்தே பதித்வா
ப்ரஸாத்³ய ப்ரபோ⁴ ப்ரார்த²யேனேகவாரம் ।
ந வக்தும் க்ஷமோஹம் ததா³னீம் க்ருபாப்³தே⁴
ந கார்யாந்தகாலே மனாக³ப்யுபேக்ஷா ॥ 22 ॥

ஸஹஸ்ராண்ட³போ⁴க்தா த்வயா ஶூரனாமா
ஹதஸ்தாரக: ஸிம்ஹவக்த்ரஶ்ச தை³த்ய: ।
மமாந்தர்ஹ்ருதி³ஸ்த²ம் மன:க்லேஶமேகம்
ந ஹம்ஸி ப்ரபோ⁴ கிம் கரோமி க்வ யாமி ॥ 23 ॥

அஹம் ஸர்வதா³ து³:க²பா⁴ராவஸன்னோ
ப⁴வாந்தீ³னப³ந்து⁴ஸ்த்வத³ன்யம் ந யாசே ।
ப⁴வத்³ப⁴க்திரோத⁴ம் ஸதா³ க்ல்ருப்தபா³த⁴ம்
மமாதி⁴ம் த்³ருதம் நாஶயோமாஸுத த்வம் ॥ 24 ॥

அபஸ்மாரகுஷ்டக்ஷயார்ஶ: ப்ரமேஹ-
ஜ்வரோன்மாத³கு³ல்மாதி³ரோகா³ மஹாந்த: ।
பிஶாசாஶ்ச ஸர்வே ப⁴வத்பத்ரபூ⁴திம்
விலோக்ய க்ஷணாத்தாரகாரே த்³ரவந்தே ॥ 25 ॥

த்³ருஶி ஸ்கந்த³மூர்தி: ஶ்ருதௌ ஸ்கந்த³கீர்தி-
ர்முகே² மே பவித்ரம் ஸதா³ தச்சரித்ரம் ।
கரே தஸ்ய க்ருத்யம் வபுஸ்தஸ்ய ப்⁴ருத்யம்
கு³ஹே ஸந்து லீனா மமாஶேஷபா⁴வா: ॥ 26 ॥

முனீனாமுதாஹோ ந்ருணாம் ப⁴க்திபா⁴ஜா-
மபீ⁴ஷ்டப்ரதா³: ஸந்தி ஸர்வத்ர தே³வா: ।
ந்ருணாமந்த்யஜானாமபி ஸ்வார்த²தா³னே
கு³ஹாத்³தே³வமன்யம் ந ஜானே ந ஜானே ॥ 27 ॥

கலத்ரம் ஸுதா ப³ந்து⁴வர்க:³ பஶுர்வா
நரோ வாத² நாரீ க்³ருஹே யே மதீ³யா: ।
யஜந்தோ நமந்த: ஸ்துவந்தோ ப⁴வந்தம்
ஸ்மரந்தஶ்ச தே ஸந்து ஸர்வே குமார ॥ 28 ॥

ம்ருகா³: பக்ஷிணோ த³ம்ஶகா யே ச து³ஷ்டா-
ஸ்ததா² வ்யாத⁴யோ பா³த⁴கா யே மத³ங்கே³ ।
ப⁴வச்ச²க்திதீக்ஷ்ணாக்³ரபி⁴ன்னா: ஸுதூ³ரே
வினஶ்யந்து தே சூர்ணிதக்ரௌஞ்சஶைல ॥ 29 ॥

ஜனித்ரீ பிதா ச ஸ்வபுத்ராபராத⁴ம்
ஸஹேதே ந கிம் தே³வஸேனாதி⁴னாத² ।
அஹம் சாதிபா³லோ ப⁴வான் லோகதாத:
க்ஷமஸ்வாபராத⁴ம் ஸமஸ்தம் மஹேஶ ॥ 3௦ ॥

நம: கேகினே ஶக்தயே சாபி துப்⁴யம்
நமஶ்சா²க³ துப்⁴யம் நம: குக்குடாய ।
நம: ஸிந்த⁴வே ஸிந்து⁴தே³ஶாய துப்⁴யம்
புன: ஸ்கந்த³மூர்தே நமஸ்தே நமோஸ்து ॥ 31 ॥

ஜயானந்த³பூ⁴மம் ஜயாபாரதா⁴மம்
ஜயாமோக⁴கீர்தே ஜயானந்த³மூர்தே ।
ஜயானந்த³ஸிந்தோ⁴ ஜயாஶேஷப³ந்தோ⁴
ஜய த்வம் ஸதா³ முக்திதா³னேஶஸூனோ ॥ 32 ॥

பு⁴ஜங்கா³க்²யவ்ருத்தேன க்ல்ருப்தம் ஸ்தவம் ய:
படே²த்³ப⁴க்தியுக்தோ கு³ஹம் ஸம்ப்ரணம்ய ।
ஸ புத்ரான்கலத்ரம் த⁴னம் தீ³ர்க⁴மாயு-
ர்லபே⁴த்ஸ்கந்த³ஸாயுஜ்யமந்தே நர: ஸ: ॥ 33 ॥