?????�??? ????? - 2 (??�?? ????�????) - ???? ??????????????

(ஶ்ரீதே³வீபா⁴க³வதம், த்³வாத³ஶ ஸ்கந்த⁴ம், ஏகாத³ஶோத்⁴யாய:, மணித்³வீப வர்ணன - 2)

வ்யாஸ உவாச ।
புஷ்பராக³மயாத³க்³ரே குங்குமாருணவிக்³ரஹ: ।
பத்³மராக³மய: ஸாலோ மத்⁴யே பூ⁴ஶ்சைவதாத்³ருஶீ ॥ 1 ॥

த³ஶயோஜனவாந்தை³ர்க்⁴யே கோ³புரத்³வாரஸம்யுத: ।
தன்மணிஸ்தம்ப⁴ஸம்யுக்தா மண்ட³பா: ஶதஶோ ந்ருப ॥ 2 ॥

மத்⁴யே பு⁴விஸமாஸீனாஶ்சது:ஷஷ்டிமிதா: கலா: ।
நானாயுத⁴த⁴ராவீரா ரத்னபூ⁴ஷணபூ⁴ஷிதா: ॥ 3 ॥

ப்ரத்யேகலோகஸ்தாஸாம் து தத்தல்லோகஸ்யனாயகா: ।
ஸமந்தாத்பத்³மராக³ஸ்ய பரிவார்யஸ்தி²தா: ஸதா³ ॥ 4 ॥

ஸ்வஸ்வலோகஜனைர்ஜுஷ்டா: ஸ்வஸ்வவாஹனஹேதிபி⁴: ।
தாஸாம் நாமானி வக்ஷ்யாமி ஶ்ருணு த்வம் ஜனமேஜய ॥ 5 ॥

பிங்கள³ாக்ஷீ விஶாலாக்ஷீ ஸம்ருத்³தி⁴ வ்ருத்³தி⁴ரேவ ச ।
ஶ்ரத்³தா⁴ ஸ்வாஹா ஸ்வதா⁴பி⁴க்²யா மாயா ஸஞ்ஜ்ஞா வஸுந்த⁴ரா ॥ 6 ॥

த்ரிலோகதா⁴த்ரீ ஸாவித்ரீ கா³யத்ரீ த்ரித³ஶேஶ்வரீ ।
ஸுரூபா ப³ஹுரூபா ச ஸ்கந்த³மாதாச்யுதப்ரியா ॥ 7 ॥

விமலா சாமலா தத்³வத³ருணீ புனராருணீ ।
ப்ரக்ருதிர்விக்ருதி: ஸ்ருஷ்டி: ஸ்தி²தி: ஸம்ஹ்ருதிரேவ ச ॥ 8 ॥

ஸந்த்⁴யாமாதா ஸதீ ஹம்ஸீ மர்தி³கா வஜ்ரிகா பரா ।
தே³வமாதா ப⁴க³வதீ தே³வகீ கமலாஸனா ॥ 9 ॥

த்ரிமுகீ² ஸப்தமுக்²யன்யா ஸுராஸுரவிமர்தி³னீ ।
லம்போ³ஷ்டீ சோர்த்⁴வகேஶீ ச ப³ஹுஶீர்ஷா வ்ருகோத³ரீ ॥ 1௦ ॥

ரத²ரேகா²ஹ்வயா பஶ்சாச்ச²ஶிரேகா² ததா² பரா ।
க³க³னவேகா³ பவனவேகா³ சைவ தத: பரம் ॥ 11 ॥

அக்³ரே பு⁴வனபாலா ஸ்யாத்தத்பஶ்சான்மத³னாதுரா ।
அனங்கா³னங்க³மத²னா ததை²வானங்க³மேக²லா ॥ 12 ॥

அனங்க³குஸுமா பஶ்சாத்³விஶ்வரூபா ஸுராதி³கா ।
க்ஷயங்கரீ ப⁴வேச்ச²க்தி ரக்ஷோப்⁴யா ச தத: பரம் ॥ 13 ॥

ஸத்யவாதி³ன்யத² ப்ரோக்தா ப³ஹுரூபா ஶுசிவ்ரதா ।
உதா³ராக்²யா ச வாகீ³ஶீ சதுஷ்ஷஷ்டிமிதா: ஸ்ம்ருதா: ॥ 14 ॥

ஜ்வலஜ்ஜிஹ்வானநா: ஸர்வாவமந்த்யோ வஹ்னிமுல்ப³ணம் ।
ஜலம் பிபா³ம: ஸகலம் ஸம்ஹராமோவிபா⁴வஸும் ॥ 15 ॥

பவனம் ஸ்தம்ப⁴யாமோத்³ய ப⁴க்ஷயாமோகி²லம் ஜக³த் ।
இதி வாசம் ஸங்கி³ரதே க்ரோத⁴ ஸம்ரக்தலோசனா: ॥ 16 ॥

சாபபா³ணத⁴ரா: ஸர்வாயுத்³தா⁴யைவோத்ஸுகா: ஸதா³ ।
த³ம்ஷ்ட்ரா கடகடாராவைர்ப³தி⁴ரீக்ருத தி³ங்முகா²: ॥ 17 ॥

பிங்கோ³ர்த்⁴வகேஶ்ய: ஸம்ப்ரோக்தாஶ்சாபபா³ணகரா: ஸதா³ ।
ஶதாக்ஷௌஹிணிகா ஸேனாப்யேகைகஸ்யா: ப்ரகீர்திதா ॥ 18 ॥

ஏகைக ஶக்தே: ஸாமர்த்²யம் லக்ஷப்³ரஹ்மாண்ட³னாஶனே ।
ஶதாக்ஷௌஹிணிகாஸேனா தாத்³ருஶீ ந்ருப ஸத்தம ॥ 19 ॥

கிம் ந குர்யாஜ்ஜக³த்யஸ்மின்னஶக்யம் வக்துமேவ தத் ।
ஸர்வாபி யுத்³த⁴ஸாமக்³ரீ தஸ்மின்ஸாலே ஸ்தி²தா முனே ॥ 2௦ ॥

ரதா²னாம் க³ணனா நாஸ்தி ஹயானாம் கரிணாம் ததா² ॥
ஶஸ்த்ராணாம் க³ணனா தத்³வத்³க³ணானாம் க³ணனா ததா² ॥ 21 ॥

பத்³மராக³மயாத³க்³ரே கோ³மேத³மணினிர்மித: ।
த³ஶயோஜனதை³ர்க்⁴யேண ப்ராகாரோ வர்ததே மஹான் ॥ 22 ॥

பா⁴ஸ்வஜ்ஜபாப்ரஸூனாபோ⁴ மத்⁴யபூ⁴ஸ்தஸ்ய தாத்³ருஶீ ।
கோ³மேத³கல்பிதான்யேவ தத்³வாஸி ஸத³னானி ச ॥ 23 ॥

பக்ஷிண: ஸ்தம்ப⁴வர்யாஶ்ச வ்ருக்ஷாவாப்ய: ஸராம்ஸி ச ।
கோ³மேத³கல்பிதா ஏவ குங்குமாருணவிக்³ரஹா: ॥ 24 ॥

தன்மத்⁴யஸ்தா² மஹாதே³வ்யோ த்³வாத்ரிம்ஶச்ச²க்தய: ஸ்ம்ருதா: ।
நானா ஶஸ்த்ரப்ரஹரணா கோ³மேத³மணிபூ⁴ஷிதா: ॥ 25 ॥

ப்ரத்யேக லோக வாஸின்ய: பரிவார்ய ஸமந்தத: ।
கோ³மேத³ஸாலே ஸன்னத்³தா⁴ பிஶாசவத³னா ந்ருப ॥ 26 ॥

ஸ்வர்லோகவாஸிபி⁴ர்னித்யம் பூஜிதாஶ்சக்ரபா³ஹவ: ।
க்ரோத⁴ரக்தேக்ஷணா பி⁴ந்தி⁴ பச ச்சி²ந்தி⁴ த³ஹேதி ச ॥ 27 ॥

வத³ந்தி ஸததம் வாசம் யுத்³தோ⁴த்ஸுகஹ்ருத³ந்தரா: ।
ஏகைகஸ்யா மஹாஶக்தேர்த³ஶாக்ஷௌஹிணிகா மதா ॥ 28 ॥

ஸேனா தத்ராப்யேகஶக்திர்லக்ஷப்³ரஹ்மாண்ட³னாஶினீ ।
தாத்³ருஶீனாம் மஹாஸேனா வர்ணனீயா கத²ம் ந்ருப ॥ 29 ॥

ரதா²னாம் நைவ க³ணானா வாஹனானாம் ததை²வ ச ।
ஸர்வயுத்³த⁴ஸமாரம்ப⁴ஸ்தத்ர தே³வ்யா விராஜதே ॥ 3௦ ॥

தாஸாம் நாமானி வக்ஷ்யாமி பாபனாஶகராணி ச ।
வித்³யா ஹ்ரீ புஷ்ட ய: ப்ரஜ்ஞா ஸினீவாலீ குஹூஸ்ததா² ॥ 31 ॥

ருத்³ராவீர்யா ப்ரபா⁴னந்தா³ போஷிணீ ருத்³தி⁴தா³ ஶுபா⁴ ।
காலராத்ரிர்மஹாராத்ரிர்ப⁴த்³ரகாலீ கபர்தி³னீ ॥ 32 ॥

விக்ருதிர்த³ண்டி³முண்டி³ன்யௌ ஸேந்து³க²ண்டா³ ஶிக²ண்டி³னீ ।
நிஶும்ப⁴ஶும்ப⁴மதி²னீ மஹிஷாஸுரமர்தி³னீ ॥ 33 ॥

இந்த்³ராணீ சைவ ருத்³ராணீ ஶங்கரார்த⁴ஶரீரிணீ ।
நாரீ நாராயணீ சைவ த்ரிஶூலின்யபி பாலினீ ॥ 34 ॥

அம்பி³காஹ்லாதி³னீ பஶ்சாதி³த்யேவம் ஶக்தய: ஸ்ம்ருதா: ।
யத்³யேதா: குபிதா தே³வ்யஸ்ததா³ ப்³ரஹ்மாண்ட³னாஶனம் ॥ 35 ॥

பராஜயோ ந சைதாஸாம் கதா³சித்க்வசித³ஸ்தி ஹி ।
கோ³மேத³கமயாத³க்³ரே ஸத்³வஜ்ரமணினிர்மித: ॥ 36 ॥

த³ஶயோஜன துங்கோ³ஸௌ கோ³புரத்³வாரஸம்யுத: ।
கபாடஶ்ருங்க³லாப³த்³தோ⁴ நவவ்ருக்ஷ ஸமுஜ்ஜ்வல: ॥ 37 ॥

ஸாலஸ்தன்மத்⁴யபூ⁴ம்யாதி³ ஸர்வம் ஹீரமயம் ஸ்ம்ருதம் ।
க்³ருஹாணிவீத²யோ ரத்²யா மஹாமார்கா³ம் க³ணானி ச ॥ 38 ॥

வ்ருக்ஷாலவால தரவ: ஸாரங்கா³ அபி தாத்³ருஶா: ।
தீ³ர்கி⁴காஶ்ரேணயோவாப்யஸ்தடா³கா³: கூப ஸம்யுதா: ॥ 39 ॥

தத்ர ஶ்ரீபு⁴வனேஶ்வர்யா வஸந்தி பரிசாரிகா: ।
ஏகைகா லக்ஷதா³ஸீபி⁴: ஸேவிதா மத³க³ர்விதா: ॥ 4௦ ॥

தாலவ்ருந்தத⁴ரா: காஶ்சிச்சஷகாட்⁴ய கராம்பு³ஜா: ।
காஶ்சித்தாம்பூ³லபாத்ராணி தா⁴ரயந்த்யோதிக³ர்விதா: ॥ 41 ॥

காஶ்சித்தச்ச²த்ரதா⁴ரிண்யஶ்சாமராணாம் விதா⁴ரிகா: ।
நானா வஸ்த்ரத⁴ரா: காஶ்சித்காஶ்சித்புஷ்ப கராம்பு³ஜா: ॥ 42 ॥

நானாத³ர்ஶகரா: காஶ்சித்காஶ்சித்குங்குமலேபனம் ।
தா⁴ரயந்த்ய: கஜ்ஜலம் ச ஸிந்தூ³ர சஷகம் பரா: ॥ 43 ॥

காஶ்சிச்சித்ரக நிர்மாத்ர்ய: பாத³ ஸம்வாஹனே ரதா: ।
காஶ்சித்து பூ⁴ஷாகாரிண்யோ நானா பூ⁴ஷாத⁴ரா: பரா: ॥ 44 ॥

புஷ்பபூ⁴ஷண நிர்மாத்ர்ய: புஷ்பஶ்ருங்கா³ரகாரிகா: ।
நானா விலாஸசதுரா ப³ஹ்வ்ய ஏவம் விதா⁴: பரா: ॥ 45 ॥

நிப³த்³த⁴ பரிதா⁴னீயா யுவத்ய: ஸகலா அபி ।
தே³வீ க்ருபா லேஶவஶாத்துச்சீ²க்ருத ஜக³த்த்ரயா: ॥ 46 ॥

ஏதா தூ³த்ய: ஸ்ம்ருதா தே³வ்ய: ஶ்ருங்கா³ரமத³க³ர்விதா: ।
தாஸாம் நாமானி வக்ஷ்யாமி ஶ்ருணு மே ந்ருபஸத்தம ॥ 47 ॥

அனங்க³ரூபா ப்ரத²மாப்யனங்க³மத³னா பரா ।
த்ருதீயாது தத: ப்ரோக்தா ஸுந்த³ரீ மத³னாதுரா ॥ 48 ॥

ததோ பு⁴வனவேகா³ஸ்யாத்ததா² பு⁴வனபாலிகா ।
ஸ்யாத்ஸர்வஶிஶிரானங்க³வேத³னானங்க³மேக²லா ॥ 49 ॥

வித்³யுத்³தா³மஸமானாங்க்³ய: க்வணத்காஞ்சீகு³ணான்விதா: ।
ரணன்மஞ்ஜீரசரணா ப³ஹிரந்தரிதஸ்தத: ॥ 5௦ ॥

தா⁴வமானாஸ்து ஶோப⁴ந்தே ஸர்வா வித்³யுல்லதோபமா: ।
குஶலா: ஸர்வகார்யேஷு வேத்ரஹஸ்தா: ஸமந்தத: ॥ 51 ॥

அஷ்டதி³க்ஷுததை²தாஸாம் ப்ராகாராத்³ப³ஹிரேவ ச ।
ஸத³னானி விராஜந்தே நானா வாஹனஹேதிபி⁴: ॥ 52 ॥

வஜ்ரஸாலாத³க்³ரபா⁴கே³ ஸாலோ வைதூ³ர்யனிர்மித: ।
த³ஶயோஜனதுங்கோ³ஸௌ கோ³புரத்³வாரபூ⁴ஷித: ॥ 53 ॥

வைதூ³ர்யபூ⁴மி: ஸர்வாபிக்³ருஹாணி விவிதா⁴னி ச ।
வீத்²யோ ரத்²யா மஹாமார்கா³: ஸர்வே வேதூ³ர்யனிர்மிதா: ॥ 54 ॥

வாபீ கூப தடா³கா³ஶ்ச ஸ்ரவந்தீனாம் தடானி ச ।
வாலுகா சைவ ஸர்வாபி வைதூ³ர்யமணினிர்மிதா ॥ 55 ॥

தத்ராஷ்டதி³க்ஷுபரிதோ ப்³ராஹ்ம்யாதீ³னாம் ச மண்ட³லம் ।
நிஜைர்க³ணை: பரிவ்ருதம் ப்⁴ராஜதே ந்ருபஸத்தம ॥ 56 ॥

ப்ரதிப்³ரஹ்மாண்ட³மாத்ருணாம் தா: ஸமஷ்டய ஈரிதா: ।
ப்³ராஹ்மீ மாஹேஶ்வரீ சைவ கௌமாரீ வைஷ்ணவீ ததா² ॥57 ॥

வாராஹீ ச ததே²ந்த்³ராணீ சாமுண்டா³: ஸப்தமாதர: ।
அஷ்டமீ து மஹாலக்ஷ்மீர்னாம்னா ப்ரோக்தாஸ்து மாதர: ॥ 58 ॥

ப்³ரஹ்மருத்³ராதி³தே³வானாம் ஸமாகாரா ஸ்துதா: ஸ்ம்ருதா: ।
ஜக³த்கள்யாணகாரிண்ய: ஸ்வஸ்வஸேனாஸமாவ்ருதா: ॥ 59 ॥

தத்ஸாலஸ்ய சதுர்த்³வார்ஷு வாஹனானி மஹேஶிது: ।
ஸஜ்ஜானி ந்ருபதே ஸந்தி ஸாலங்காராணி நித்யஶ: ॥ 6௦ ॥

த³ந்தின: கோடிஶோ வாஹா: கோடிஶ: ஶிபி³காஸ்ததா² ।
ஹம்ஸா: ஸிம்ஹாஶ்ச க³ருடா³ மயூரா வ்ருஷபா⁴ஸ்ததா² ॥ 61 ॥

தைர்யுக்தா: ஸ்யந்த³னாஸ்தத்³வத்கோடிஶோ ந்ருபனந்த³ன ।
பார்ஷ்ணிக்³ராஹஸமாயுக்தா த்⁴வஜைராகாஶசும்பி³ன: ॥ 62 ॥

கோடிஶஸ்து விமானானி நானா சிஹ்னான்விதானி ச ।
நானா வாதி³த்ரயுக்தானி மஹாத்⁴வஜயுதானி ச ॥ 63 ॥

வைதூ³ர்யமணி ஸாலஸ்யாப்யக்³ரே ஸால: பர: ஸ்ம்ருத: ।
த³ஶயோஜன துங்கோ³ஸாவிந்த்³ரனீலாஶ்மனிர்மித: ॥ 64 ॥

தன்மத்⁴ய பூ⁴ஸ்ததா² வீத்²யோ மஹாமார்கா³ க்³ருஹாணி ச ।
வாபீ கூப தடா³கா³ஶ்ச ஸர்வே தன்மணினிர்மிதா: ॥ 65 ॥

தத்ர பத்³ம து ஸம்ப்ரோக்தம் ப³ஹுயோஜன விஸ்த்ருதம் ।
ஷோட³ஶாரம் தீ³ப்யமானம் ஸுத³ர்ஶனமிவாபரம் ॥ 66 ॥

தத்ர ஷோட³ஶஶக்தீனாம் ஸ்தா²னானி விவிதா⁴னி ச ।
ஸர்வோபஸ்கரயுக்தானி ஸம்ருத்³தா⁴னி வஸந்தி ஹி ॥ 67 ॥

தாஸாம் நாமானி வக்ஷ்யாமி ஶ்ருணு மே ந்ருபஸத்தம ।
கராளீ விகராளீ ச ததோ²மா ச ஸரஸ்வதீ ॥ 68 ॥

ஶ்ரீ து³ர்கோ³ஷா ததா² லக்ஷ்மீ: ஶ்ருதிஶ்சைவ ஸ்ம்ருதிர்த்⁴ருதி: ।
ஶ்ரத்³தா⁴ மேதா⁴ மதி: காந்திரார்யா ஷோட³ஶஶக்தய: ॥ 69 ॥

நீலஜீமூதஸங்காஶா: கரவால கராம்பு³ஜா: ।
ஸமா: கே²டகதா⁴ரிண்யோ யுத்³தோ⁴பக்ராந்த மானஸா: ॥ 7௦ ॥

ஸேனான்ய: ஸகலா ஏதா: ஶ்ரீதே³வ்யா ஜக³தீ³ஶிது: ।
ப்ரதிப்³ரஹ்மாண்ட³ஸம்ஸ்தா²னாம் ஶக்தீனாம் நாயிகா: ஸ்ம்ருதா: ॥ 71 ॥

ப்³ரஹ்மாண்ட³க்ஷோப⁴காரிண்யோ தே³வீ ஶக்த்யுபப்³ரும்ஹிதா: ।
நானா ரத²ஸமாரூடா⁴ நானா ஶக்திபி⁴ரன்விதா: ॥ 72 ॥

ஏதத்பராக்ரமம் வக்தும் ஸஹஸ்ராஸ்யோபி ந க்ஷம: ।
இந்த்³ரனீலமஹாஸாலாத³க்³ரே து ப³ஹுவிஸ்த்ருத: ॥ 73 ॥

முக்தாப்ராகார உதி³தோ த³ஶயோஜன தை³ர்க்⁴யவான் ।
மத்⁴யபூ⁴: பூர்வவத்ப்ரோக்தா தன்மத்⁴யேஷ்டதள³ாம்பு³ஜம் ॥ 74 ॥

முக்தாமணிக³ணாகீர்ணம் விஸ்த்ருதம் து ஸகேஸரம் ।
தத்ர தே³வீஸமாகாரா தே³வ்யாயுத⁴த⁴ரா: ஸதா³ ॥ 75 ॥

ஸம்ப்ரோக்தா அஷ்டமந்த்ரிண்யோ ஜக³த்³வார்தாப்ரபோ³தி⁴கா: ।
தே³வீஸமானபோ⁴கா³ஸ்தா இங்கி³தஜ்ஞாஸ்துபண்டி³தா: ॥ 76 ॥

குஶலா: ஸர்வகார்யேஷு ஸ்வாமிகார்யபராயணா: ।
தே³வ்யபி⁴ப்ராய போ³த்⁴யஸ்தாஶ்சதுரா அதிஸுந்த³ரா: ॥ 77 ॥

நானா ஶக்திஸமாயுக்தா: ப்ரதிப்³ரஹ்மாண்ட³வர்தினாம் ।
ப்ராணினாம் தா: ஸமாசாரம் ஜ்ஞானஶக்த்யாவித³ந்தி ச ॥ 78 ॥

தாஸாம் நாமானி வக்ஷ்யாமி மத்த: ஶ்ருணு ந்ருபோத்தம ।
அனங்க³குஸுமா ப்ரோக்தாப்யனங்க³குஸுமாதுரா ॥ 79 ॥

அனங்க³மத³னா தத்³வத³னங்க³மத³னாதுரா ।
பு⁴வனபாலா க³க³னவேகா³ சைவ தத: பரம் ॥ 8௦ ॥

ஶஶிரேகா² ச க³க³னரேகா² சைவ தத: பரம் ।
பாஶாங்குஶவராபீ⁴தித⁴ரா அருணவிக்³ரஹா: ॥ 81 ॥

விஶ்வஸம்ப³ந்தி⁴னீம் வார்தாம் போ³த⁴யந்தி ப்ரதிக்ஷணம் ।
முக்தாஸாலாத³க்³ரபா⁴கே³ மஹாமாரகதோ பர: ॥ 82 ॥

ஸாலோத்தம: ஸமுத்³தி³ஷ்டோ த³ஶயோஜன தை³ர்க்⁴யவான் ।
நானா ஸௌபா⁴க்³யஸம்யுக்தோ நானா போ⁴க³ஸமன்வித: ॥ 83 ॥

மத்⁴யபூ⁴ஸ்தாத்³ருஶீ ப்ரோக்தா ஸத³னானி ததை²வ ச ।
ஷட்கோணமத்ரவிஸ்தீர்ணம் கோணஸ்தா² தே³வதா: ஶ்ருணு: ॥ 84 ॥

பூர்வகோணே சதுர்வக்த்ரோ கா³யத்ரீ ஸஹிதோ விதி⁴: ।
குண்டி³காக்ஷகு³ணாபீ⁴தி த³ண்டா³யுத⁴த⁴ர: பர: ॥ 85 ॥

ததா³யுத⁴த⁴ரா தே³வீ கா³யத்ரீ பரதே³வதா ।
வேதா³: ஸர்வே மூர்திமந்த: ஶாஸ்த்ராணி விவிதா⁴னி ச ॥ 86 ॥

ஸ்ம்ருதயஶ்ச புராணானி மூர்திமந்தி வஸந்தி ஹி ।
யே ப்³ரஹ்மவிக்³ரஹா: ஸந்தி கா³யத்ரீவிக்³ரஹாஶ்ச யே ॥ 87 ॥

வ்யாஹ்ருதீனாம் விக்³ரஹாஶ்ச தே நித்யம் தத்ர ஸந்தி ஹி ।
ரக்ஷ: கோணே ஶங்க³சக்ரக³தா³ம்பு³ஜ கராம்பு³ஜா ॥ 88 ॥

ஸாவித்ரீ வர்ததே தத்ர மஹாவிஷ்ணுஶ்ச தாத்³ருஶ: ।
யே விஷ்ணுவிக்³ரஹா: ஸந்தி மத்ஸ்யகூர்மாத³யோகி²லா: ॥ 89 ॥

ஸாவித்ரீ விக்³ரஹா யே ச தே ஸர்வே தத்ர ஸந்தி ஹி ।
வாயுகோணே பரஶ்வக்ஷமாலாப⁴யவரான்வித: ॥ 9௦ ॥

மஹாருத்³ரோ வர்ததேத்ர ஸரஸ்வத்யபி தாத்³ருஶீ ।
யே யே து ருத்³ரபே⁴தா³: ஸ்யுர்த³க்ஷிணாஸ்யாத³யோ ந்ருப ॥ 91 ॥

கௌ³ரீ பே⁴தா³ஶ்ச யே ஸர்வே தே தத்ர நிவஸந்தி ஹி ।
சது:ஷஷ்ட்யாக³மா யே ச யே சான்யேப்யாக³மா: ஸ்ம்ருதா: ॥ 92 ॥

தே ஸர்வே மூர்திமந்தஶ்ச தத்ர வை நிவஸந்தி ஹி ।
அக்³னிகோணே ரத்னகும்ப⁴ம் ததா² மணிகரண்ட³கம் ॥ 93 ॥

த³தா⁴னோ நிஜஹஸ்தாப்⁴யாம் குபே³ரோ த⁴னதா³யக: ।
நானா வீதீ² ஸமாயுக்தோ மஹாலக்ஷ்மீஸமன்வித: ॥ 94 ॥

தே³வ்யா நிதி⁴பதிஸ்த்வாஸ்தே ஸ்வகு³ணை: பரிவேஷ்டித: ।
வாருணே து மஹாகோணே மத³னோ ரதிஸம்யுத: ॥ 95 ॥

பாஶாங்குஶத⁴னுர்பா³ணத⁴ரோ நித்யம் விராஜதே ।
ஶ்ருங்கா³ரமூர்திமந்தஸ்து தத்ர ஸன்னிஹிதா: ஸதா³ ॥ 96 ॥

ஈஶானகோணே விக்⁴னேஶோ நித்யம் புஷ்டிஸமன்வித: ।
பாஶாங்குஶத⁴ரோ வீரோ விக்⁴னஹர்தா விராஜதே ॥ 97 ॥

விபூ⁴தயோ க³ணேஶஸ்ய யாயா: ஸந்தி ந்ருபோத்தம ।
தா: ஸர்வா நிவஸந்த்யத்ர மஹைஶ்வர்யஸமன்விதா: ॥ 98 ॥

ப்ரதிப்³ரஹ்மாண்ட³ஸம்ஸ்தா²னாம் ப்³ரஹ்மாதீ³னாம் ஸமஷ்டய: ।
ஏதே ப்³ரஹ்மாத³ய: ப்ரோக்தா: ஸேவந்தே ஜக³தீ³ஶ்வரீம் ॥ 99 ॥

மஹாமாரகதஸ்யாக்³ரே ஶதயோஜன தை³ர்க்⁴யவான் ।
ப்ரவாலஶாலோஸ்த்யபர: குங்குமாருணவிக்³ரஹ: ॥ 1௦௦ ॥

மத்⁴யபூ⁴ஸ்தாத்³ருஶீ ப்ரோக்தா ஸத³னானி ச பூர்வவத் ।
தன்மத்⁴யே பஞ்சபூ⁴தானாம் ஸ்வாமின்ய: பஞ்ச ஸந்தி ச ॥ 1௦1 ॥

ஹ்ருல்லேகா² க³க³னா ரக்தா சதுர்தீ² து கராளிகா ।
மஹோச்சு²ஷ்மா பஞ்சமீ ச பஞ்சபூ⁴தஸமப்ரபா⁴: ॥ 1௦2 ॥

பாஶாங்குஶவராபீ⁴திதா⁴ரிண்யோமிதபூ⁴ஷணா: ।
தே³வீ ஸமானவேஷாட்⁴யா நவயௌவனக³ர்விதா: ॥ 1௦3 ॥

ப்ரவாலஶாலாத³க்³ரே து நவரத்ன வினிர்மித: ।
ப³ஹுயோஜனவிஸ்தீர்ணோ மஹாஶாலோஸ்தி பூ⁴மிப ॥ 1௦4 ॥

தத்ர சாம்னாயதே³வீனாம் ஸத³னானி ப³ஹூன்யபி ।
நவரத்னமயான்யேவ தடா³கா³ஶ்ச ஸராம்ஸி ச ॥ 1௦5 ॥

ஶ்ரீதே³வ்யா யேவதாரா: ஸ்யுஸ்தே தத்ர நிவஸந்தி ஹி ।
மஹாவித்³யா மஹாபே⁴தா³: ஸந்தி தத்ரைவ பூ⁴மிப ॥ 1௦6 ॥

நிஜாவரணதே³வீபி⁴ர்னிஜபூ⁴ஷணவாஹனை: ।
ஸர்வதே³வ்யோ விராஜந்தே கோடிஸூர்யஸமப்ரபா⁴: ॥ 1௦7 ॥

ஸப்தகோடி மஹாமந்த்ரதே³வதா: ஸந்தி தத்ர ஹி ।
நவரத்னமயாத³க்³ரே சிந்தாமணிக்³ருஹம் மஹத் ॥ 1௦8 ॥

தத்ர த்யம் வஸ்து மாத்ரம் து சிந்தாமணி வினிர்மிதம் ।
ஸூர்யோத்³கா³ரோபலைஸ்தத்³வச்சந்த்³ரோத்³கா³ரோபலைஸ்ததா² ॥ 1௦9 ॥

வித்³யுத்ப்ரபோ⁴பலை: ஸ்தம்பா⁴: கல்பிதாஸ்து ஸஹஸ்ரஶ: ।
யேஷாம் ப்ரபா⁴பி⁴ரந்தஸ்த²ம் வஸ்து கிஞ்சின்ன த்³ருஶ்யதே ॥ 11௦ ॥

இதி ஶ்ரீதே³வீபா⁴க³வதே மஹாபுராணே த்³வாத³ஶஸ்கந்தே⁴ ஏகாத³ஶோத்⁴யாய: ।