?????�??? ????? - 3 (??�?? ????�????) - ???? ??????????????

(ஶ்ரீதே³வீபா⁴க³வதம், த்³வாத³ஶ ஸ்கந்த⁴ம், த்³வாத³ஶோத்⁴யாய:, மணித்³வீப வர்ணன - 3)

வ்யாஸ உவாச ।
ததே³வ தே³வீஸத³னம் மத்⁴யபா⁴கே³ விராஜதே ।
ஸஹஸ்ர ஸ்தம்ப⁴ஸம்யுக்தாஶ்சத்வாரஸ்தேஷு மண்ட³பா: ॥ 1 ॥

ஶ்ருங்கா³ரமண்ட³பஶ்சைகோ முக்திமண்ட³ப ஏவ ச ।
ஜ்ஞானமண்ட³ப ஸஞ்ஜ்ஞஸ்து த்ருதீய: பரிகீர்தித: ॥ 2 ॥

ஏகாந்தமண்ட³பஶ்சைவ சதுர்த:² பரிகீர்தித: ।
நானா விதானஸம்யுக்தா நானா தூ⁴பைஸ்து தூ⁴பிதா: ॥ 3 ॥

கோடிஸூர்யஸமா: காந்த்யா ப்⁴ராஞ்ஜந்தே மண்ட³பா: ஶுபா⁴: ।
தன்மண்ட³பானாம் பரித: காஶ்மீரவனிகா ஸ்ம்ருதா ॥ 4 ॥

மல்லிகாகுந்த³வனிகா யத்ர புஷ்கலகா: ஸ்தி²தா: ।
அஸங்க்³யாதா ம்ருக³மதை³: பூரிதாஸ்தத்ஸ்ரவா ந்ருப ॥ 5 ॥

மஹாபத்³மாடவீ தத்³வத்³ரத்னஸோபானநிர்மிதா ।
ஸுதா⁴ரஸேனஸம்பூர்ணா கு³ஞ்ஜன்மத்தமது⁴வ்ரதா ॥ 6 ॥

ஹம்ஸகாரண்ட³வாகீர்ணா க³ந்த⁴பூரித தி³க்தடா ।
வனிகானாம் ஸுக³ந்தை⁴ஸ்து மணித்³வீபம் ஸுவாஸிதம் ॥ 7 ॥

ஶ்ருங்கா³ரமண்ட³பே தே³வ்யோ கா³யந்தி விவிதை⁴: ஸ்வரை: ।
ஸபா⁴ஸதோ³ தே³வவஶா மத்⁴யே ஶ்ரீஜக³த³ம்பி³கா ॥ 8 ॥

முக்திமண்ட³பமத்⁴யே து மோசயத்யனிஶம் ஶிவா ।
ஜ்ஞானோபதே³ஶம் குருதே த்ருதீயே ந்ருப மண்ட³பே ॥ 9 ॥

சதுர்த²மண்ட³பே சைவ ஜக³த்³ரக்ஷா விசிந்தனம் ।
மந்த்ரிணீ ஸஹிதா நித்யம் கரோதி ஜக³த³ம்பி³கா ॥ 1௦ ॥

சிந்தாமணிக்³ருஹே ராஜஞ்ச²க்தி தத்த்வாத்மகை: பரை: ।
ஸோபானைர்த³ஶபி⁴ர்யுக்தோ மஞ்சகோப்யதி⁴ராஜதே ॥ 11 ॥

ப்³ரஹ்மா விஷ்ணுஶ்ச ருத்³ரஶ்ச ஈஶ்வரஶ்ச ஸதா³ஶிவ: ।
ஏதே மஞ்சகு²ரா: ப்ரோக்தா: ப²லகஸ்து ஸதா³ஶிவ: ॥ 12 ॥

தஸ்யோபரி மஹாதே³வோ பு⁴வனேஶோ விராஜதே ।
யா தே³வீ நிஜலீலார்த²ம் த்³விதா⁴பூ⁴தா ப³பூ⁴வஹ ॥ 13 ॥

ஸ்ருஷ்ட்யாதௌ³ து ஸ ஏவாயம் தத³ர்தா⁴ங்கோ³ மஹேஶ்வர: ।
கந்த³ர்ப த³ர்பனாஶோத்³யத்கோடி கந்த³ர்பஸுந்த³ர: ॥ 14 ॥

பஞ்சவக்த்ரஸ்த்ரினேத்ரஶ்ச மணிபூ⁴ஷண பூ⁴ஷித: ।
ஹரிணாபீ⁴திபரஶூன்வரம் ச நிஜபா³ஹுபி⁴: ॥ 15 ॥

த³தா⁴ன: ஷோட³ஶாப்³தோ³ஸௌ தே³வ: ஸர்வேஶ்வரோ மஹான் ।
கோடிஸூர்ய ப்ரதீகாஶஶ்சந்த்³ரகோடி ஸுஶீதல: ॥ 16 ॥

ஶுத்³த⁴ஸ்ப²டிக ஸங்காஶஸ்த்ரினேத்ர: ஶீதல த்³யுதி: ।
வாமாங்கே ஸன்னிஷண்ணாஸ்ய தே³வீ ஶ்ரீபு⁴வனேஶ்வரீ ॥ 17 ॥

நவரத்னக³ணாகீர்ண காஞ்சீதா³ம விராஜிதா ।
தப்தகாஞ்சனஸன்னத்³த⁴ வைதூ³ர்யாங்க³த³பூ⁴ஷணா ॥ 18 ॥

கனச்ச்²ரீசக்ரதாடங்க விடங்க வத³னாம்பு³ஜா ।
லலாடகாந்தி விப⁴வ விஜிதார்த⁴ஸுதா⁴கரா ॥ 19 ॥

பி³ம்ப³காந்தி திரஸ்காரிரத³ச்ச²த³ விராஜிதா ।
லஸத்குங்குமகஸ்தூரீதிலகோத்³பா⁴ஸிதானநா ॥ 2௦ ॥

தி³வ்ய சூடா³மணி ஸ்பா²ர சஞ்சச்சந்த்³ரகஸூர்யகா ।
உத்³யத்கவிஸமஸ்வச்ச² நாஸாப⁴ரண பா⁴ஸுரா ॥ 21 ॥

சிந்தாகலம்பி³தஸ்வச்ச² முக்தாகு³ச்ச² விராஜிதா ।
பாடீர பங்க கர்பூர குங்குமாலங்க்ருத ஸ்தனீ ॥ 22 ॥

விசித்ர விவிதா⁴ கல்பா கம்பு³ஸங்காஶ கந்த⁴ரா ।
தா³டி³மீப²லபீ³ஜாப⁴ த³ந்தபங்க்தி விராஜிதா ॥ 23 ॥

அனர்க்⁴ய ரத்னக⁴டித முகுடாஞ்சித மஸ்தகா ।
மத்தாலிமாலாவிலஸத³லகாட்⁴ய முகா²ம்பு³ஜா ॥ 24 ॥

களங்ககார்ஶ்யனிர்முக்த ஶரச்சந்த்³ரனிபா⁴னநா ।
ஜாஹ்னவீஸலிலாவர்த ஶோபி⁴னாபி⁴விபூ⁴ஷிதா ॥ 25 ॥

மாணிக்ய ஶகலாப³த்³த⁴ முத்³ரிகாங்கு³ளிபூ⁴ஷிதா ।
புண்ட³ரீகத³லாகார நயனத்ரயஸுந்த³ரீ ॥ 26 ॥

கல்பிதாச்ச² மஹாராக³ பத்³மராகோ³ஜ்ஜ்வலப்ரபா⁴ ।
ரத்னகிங்கிணிகாயுக்த ரத்னகங்கணஶோபி⁴தா ॥ 27 ॥

மணிமுக்தாஸராபார லஸத்பத³கஸந்ததி: ।
ரத்னாங்கு³ளிப்ரவிதத ப்ரபா⁴ஜாலலஸத்கரா ॥ 28 ॥

கஞ்சுகீகு³ம்பி²தாபார நானா ரத்னததித்³யுதி: ।
மல்லிகாமோதி³ த⁴ம்மில்ல மல்லிகாலிஸராவ்ருதா ॥ 29 ॥

ஸுவ்ருத்தனிபி³டோ³த்துங்க³ குசபா⁴ராலஸா ஶிவா ।
வரபாஶாங்குஶாபீ⁴தி லஸத்³பா³ஹு சதுஷ்டயா ॥ 3௦ ॥

ஸர்வஶ்ருங்கா³ரவேஷாட்⁴யா ஸுகுமாராங்க³வல்லரீ ।
ஸௌந்த³ர்யதா⁴ராஸர்வஸ்வா நிர்வ்யாஜகருணாமயீ ॥ 31 ॥

நிஜஸம்லாபமாது⁴ர்ய வினிர்ப⁴ர்த்ஸிதகச்ச²பீ ।
கோடிகோடிரவீந்தூ³னாம் காந்திம் யா பி³ப்⁴ரதீ பரா ॥ 32 ॥

நானா ஸகீ²பி⁴ர்தா³ஸீபி⁴ஸ்ததா² தே³வாங்க³னாதி³பி⁴: ।
ஸர்வாபி⁴ர்தே³வதாபி⁴ஸ்து ஸமந்தாத்பரிவேஷ்டிதா ॥ 33 ॥

இச்சா²ஶக்த்யா ஜ்ஞானஶக்த்யா க்ரியாஶக்த்யா ஸமன்விதா ।
லஜ்ஜா துஷ்டிஸ்ததா² புஷ்டி: கீர்தி: காந்தி: க்ஷமா த³யா ॥ 34 ॥

பு³த்³தி⁴ர்மேதா⁴ஸ்ம்ருதிர்லக்ஷ்மீர்மூர்திமத்யோங்க³னா: ஸ்ம்ருதா: ।
ஜயா ச விஜயா சைவாப்யஜிதா சாபராஜிதா ॥ 35 ॥

நித்யா விலாஸினீ தோ³க்³த்⁴ரீ த்வகோ⁴ரா மங்கள³ா நவா ।
பீட²ஶக்தய ஏதாஸ்து ஸேவந்தே யாம் பராம்பி³காம் ॥ 36 ॥

யஸ்யாஸ்து பார்ஶ்வபா⁴கே³ஸ்தோனிதீ⁴தௌ ஶங்க³பத்³மகௌ ।
நவரத்ன வஹானத்³யஸ்ததா² வை காஞ்சனஸ்ரவா: ॥ 37 ॥

ஸப்ததா⁴துவஹானத்³யோ நிதி⁴ப்⁴யாம் து வினிர்க³தா: ।
ஸுதா⁴ஸிந்த்⁴வந்தகா³மின்யஸ்தா: ஸர்வா ந்ருபஸத்தம ॥ 38 ॥

ஸா தே³வீ பு⁴வனேஶானீ தத்³வாமாங்கே விராஜதே ।
ஸர்வேஶ த்வம் மஹேஶஸ்ய யத்ஸங்கா³ தே³வ நான்யதா² ॥ 39 ॥

சிந்தாமணி க்³ருஹஸ்யாஸ்ய ப்ரமாணம் ஶ்ருணு பூ⁴மிப ।
ஸஹஸ்ரயோஜனாயாமம் மஹாந்தஸ்தத்ப்ரசக்ஷதே ॥ 4௦ ॥

தது³த்தரே மஹாஶாலா: பூர்வஸ்மாத்³ த்³விகு³ணா: ஸ்ம்ருதா: ।
அந்தரிக்ஷக³தம் த்வேதன்னிராதா⁴ரம் விராஜதே ॥ 41 ॥

ஸங்கோசஶ்ச விகாஶஶ்ச ஜாயதேஸ்ய நிரந்தரம் ।
படவத்கார்யவஶத: ப்ரளயே ஸர்ஜனே ததா² ॥ 42 ॥

ஶாலானாம் சைவ ஸர்வேஷாம் ஸர்வகாந்திபராவதி⁴ ।
சிந்தாமணிக்³ருஹம் ப்ரோக்தம் யத்ர தே³வீ மஹோமயீ ॥ 43 ॥

யேயே உபாஸகா: ஸந்தி ப்ரதிப்³ரஹ்மாண்ட³வர்தின: ।
தே³வேஷு நாக³லோகேஷு மனுஷ்யேஷ்விதரேஷு ச ॥ 44 ॥

ஶ்ரீதே³வ்யாஸ்தே ச ஸர்வேபி வ்ரஜந்த்யத்ரைவ பூ⁴மிப ।
தே³வீக்ஷேத்ரே யே த்யஜந்தி ப்ராணாந்தே³வ்யர்சனே ரதா: ॥ 45 ॥

தே ஸர்வே யாந்தி தத்ரைவ யத்ர தே³வீ மஹோத்ஸவா ।
க்⁴ருதகுல்யா து³க்³த⁴குல்யா த³தி⁴குல்யா மது⁴ஸ்ரவா: ॥ 46 ॥

ஸ்யந்த³ந்தி ஸரித: ஸர்வாஸ்ததா²ம்ருதவஹா: பரா: ।
த்³ராக்ஷாரஸவஹா: காஶ்சிஜ்ஜம்பூ³ரஸவஹா: பரா: ॥ 47 ॥

ஆம்ரேக்ஷுரஸவாஹின்யோ நத்³யஸ்தாஸ்து ஸஹஸ்ரஶ: ।
மனோரத²ப²லாவ்ருக்ஷாவாப்ய: கூபாஸ்ததை²வ ச ॥ 48 ॥

யதே²ஷ்டபானப²லதா³ன ந்யூனம் கிஞ்சித³ஸ்தி ஹி ।
ந ரோக³பலிதம் வாபி ஜரா வாபி கதா³சன ॥ 49 ॥

ந சிந்தா ந ச மாத்ஸர்யம் காமக்ரோதா⁴தி³கம் ததா² ।
ஸர்வே யுவான: ஸஸ்த்ரீகா: ஸஹஸ்ராதி³த்யவர்சஸ: ॥ 5௦ ॥

பஜ⁴ந்தி ஸததம் தே³வீம் தத்ர ஶ்ரீபு⁴வனேஶ்வரீம் ।
கேசித்ஸலோகதாபன்னா: கேசித்ஸாமீப்யதாம் க³தா: ॥ 51 ॥

ஸரூபதாம் க³தா: கேசித்ஸார்ஷ்டிதாம் ச பரேக³தா: ।
யாயாஸ்து தே³வதாஸ்தத்ர ப்ரதிப்³ரஹ்மாண்ட³வர்தினாம் ॥ 52 ॥

ஸமஷ்டய: ஸ்தி²தாஸ்தாஸ்து ஸேவந்தே ஜக³தீ³ஶ்வரீம் ।
ஸப்தகோடிமஹாமந்த்ரா மூர்திமந்த உபாஸதே ॥ 53 ॥

மஹாவித்³யாஶ்ச ஸகலா: ஸாம்யாவஸ்தா²த்மிகாம் ஶிவாம் ।
காரணப்³ரஹ்மரூபாம் தாம் மாயா ஶப³லவிக்³ரஹாம் ॥ 54 ॥

இத்த²ம் ராஜன்மயா ப்ரோக்தம் மணித்³வீபம் மஹத்தரம் ।
ந ஸூர்யசந்த்³ரௌ நோ வித்³யுத்கோடயோக்³னிஸ்ததை²வ ச ॥ 55 ॥

ஏதஸ்ய பா⁴ஸா கோட்யம்ஶ கோட்யம்ஶோ நாபி தே ஸமா: ।
க்வசித்³வித்³ருமஸங்காஶம் க்வசின்மரகதச்ச²வி ॥ 56 ॥

வித்³யுத்³பா⁴னுஸமச்சா²யம் மத்⁴யஸூர்யஸமம் க்வசித் ।
வித்³யுத்கோடிமஹாதா⁴ரா ஸாரகாந்திததம் க்வசித் ॥ 57 ॥

க்வசித்ஸிந்தூ³ர நீலேந்த்³ரம் மாணிக்ய ஸத்³ருஶச்ச²வி ।
ஹீரஸார மஹாக³ர்ப⁴ த⁴க³த்³த⁴கி³த தி³க்தடம் ॥ 58 ॥

காந்த்யா தா³வானலஸமம் தப்தகாஞ்சன ஸன்னிப⁴ம் ।
க்வசிச்சந்த்³ரோபலோத்³கா³ரம் ஸூர்யோத்³கா³ரம் ச குத்ர சித் ॥ 59 ॥

ரத்னஶ்ருங்கி³ ஸமாயுக்தம் ரத்னப்ராகார கோ³புரம் ।
ரத்னபத்ரை ரத்னப²லைர்வ்ருக்ஷைஶ்ச பரிமண்டி³தம் ॥ 6௦ ॥

ந்ருத்யன்மயூரஸங்கை⁴ஶ்ச கபோதரணிதோஜ்ஜ்வலம் ।
கோகிலாகாகலீலாபை: ஶுகலாபைஶ்ச ஶோபி⁴தம் ॥ 61 ॥

ஸுரம்ய ரமணீயாம்பு³ லக்ஷாவதி⁴ ஸரோவ்ருதம் ।
தன்மத்⁴யபா⁴க³ விலஸத்³விகசத்³ரத்ன பங்கஜை: ॥ 62 ॥

ஸுக³ந்தி⁴பி⁴: ஸமந்தாத்து வாஸிதம் ஶதயோஜனம் ।
மந்த³மாருத ஸம்பி⁴ன்ன சலத்³த்³ரும ஸமாகுலம் ॥ 63 ॥

சிந்தாமணி ஸமூஹானாம் ஜ்யோதிஷா விததாம்ப³ரம் ।
ரத்னப்ரபா⁴பி⁴ரபி⁴தோ த⁴க³த்³த⁴கி³த தி³க்தடம் ॥ 64 ॥

வ்ருக்ஷவ்ராத மஹாக³ந்த⁴வாதவ்ராத ஸுபூரிதம் ।
தூ⁴பதூ⁴பாயிதம் ராஜன்மணிதீ³பாயுதோஜ்ஜ்வலம் ॥ 65 ॥

மணிஜாலக ஸச்சி²த்³ர தரலோத³ரகாந்திபி⁴: ।
தி³ங்மோஹஜனகம் சைதத்³த³ர்பணோத³ர ஸம்யுதம் ॥ 66 ॥

ஐஶ்வர்யஸ்ய ஸமக்³ரஸ்ய ஶ்ருங்கா³ரஸ்யாகி²லஸ்ய ச ।
ஸர்வஜ்ஞதாயா: ஸர்வாயாஸ்தேஜஸஶ்சாகி²லஸ்ய ச ॥ 67 ॥

பராக்ரமஸ்ய ஸர்வஸ்ய ஸர்வோத்தமகு³ணஸ்ய ச ।
ஸகலா யா த³யாயாஶ்ச ஸமாப்திரிஹ பூ⁴பதே ॥ 68 ॥

ராஜ்ஞ ஆனந்த³மாரப்⁴ய ப்³ரஹ்மலோகாந்த பூ⁴மிஷு ।
ஆனந்தா³ யே ஸ்தி²தா: ஸர்வே தேத்ரைவாந்தர்ப⁴வந்தி ஹி ॥ 69 ॥

இதி தே வர்ணிதம் ராஜன்மணித்³வீபம் மஹத்தரம் ।
மஹாதே³வ்யா: பரம்ஸ்தா²னம் ஸர்வலோகோத்தமோத்தமம் ॥ 7௦ ॥

ஏதஸ்ய ஸ்மரணாத்ஸத்³ய: ஸர்வபாபம் வினஶ்யதி ।
ப்ராணோத்க்ரமணஸந்தௌ⁴ து ஸ்ம்ருத்வா தத்ரைவ க³ச்ச²தி ॥ 71 ॥

அத்⁴யாய பஞ்சகம் த்வேதத்படே²ன்னித்யம் ஸமாஹித: ।
பூ⁴தப்ரேதபிஶாசாதி³ பா³தா⁴ தத்ர ப⁴வேன்ன ஹி ॥ 72 ॥

நவீன க்³ருஹ நிர்மாணே வாஸ்துயாகே³ ததை²வ ச ।
படி²தவ்யம் ப்ரயத்னேன கல்யாணம் தேன ஜாயதே ॥ 73 ॥

இதி ஶ்ரீதே³வீபா⁴க³வதே மஹாபுராணே த்³வாத³ஶஸ்கந்தே⁴ த்³வாத³ஶோத்⁴யாய: ॥