?????????? ?�?? 21 - ?? ?????: ???� ??????�????: - ?????? ??????????????

மத்⁴யோத்³ப⁴வே பு⁴வ இலாவ்ருதனாம்னி வர்ஷே
கௌ³ரீப்ரதா⁴னவனிதாஜனமாத்ரபா⁴ஜி ।
ஶர்வேண மந்த்ரனுதிபி⁴: ஸமுபாஸ்யமானம்
ஸங்கர்ஷணாத்மகமதீ⁴ஶ்வர ஸம்ஶ்ரயே த்வாம் ॥1॥

ப⁴த்³ராஶ்வனாமக இலாவ்ருதபூர்வவர்ஷே
ப⁴த்³ரஶ்ரவோபி⁴: ருஷிபி⁴: பரிணூயமானம் ।
கல்பாந்தகூ³ட⁴னிக³மோத்³த⁴ரணப்ரவீணம்
த்⁴யாயாமி தே³வ ஹயஶீர்ஷதனும் ப⁴வந்தம் ॥2॥

த்⁴யாயாமி த³க்ஷிணக³தே ஹரிவர்ஷவர்ஷே
ப்ரஹ்லாத³முக்²யபுருஷை: பரிஷேவ்யமாணம் ।
உத்துங்க³ஶாந்தத⁴வலாக்ருதிமேகஶுத்³த-⁴
ஜ்ஞானப்ரத³ம் நரஹரிம் ப⁴க³வன் ப⁴வந்தம் ॥3॥

வர்ஷே ப்ரதீசி லலிதாத்மனி கேதுமாலே
லீலாவிஶேஷலலிதஸ்மிதஶோப⁴னாங்க³ம் ।
லக்ஷ்ம்யா ப்ரஜாபதிஸுதைஶ்ச நிஷேவ்யமாணம்
தஸ்யா: ப்ரியாய த்⁴ருதகாமதனும் பஜ⁴ே த்வாம் ॥4॥

ரம்யே ஹ்யுதீ³சி க²லு ரம்யகனாம்னி வர்ஷே
தத்³வர்ஷனாத²மனுவர்யஸபர்யமாணம் ।
ப⁴க்தைகவத்ஸலமமத்ஸரஹ்ருத்ஸு பா⁴ந்தம்
மத்ஸ்யாக்ருதிம் பு⁴வனநாத² பஜ⁴ே ப⁴வந்தம் ॥5॥

வர்ஷம் ஹிரண்மயஸமாஹ்வயமௌத்தராஹ-
மாஸீனமத்³ரித்⁴ருதிகர்மட²காமடா²ங்க³ம் ।
ஸம்ஸேவதே பித்ருக³ணப்ரவரோர்யமா யம்
தம் த்வாம் பஜ⁴ாமி ப⁴க³வன் பரசின்மயாத்மன் ॥6॥

கிஞ்சோத்தரேஷு குருஷு ப்ரியயா த⁴ரண்யா
ஸம்ஸேவிதோ மஹிதமந்த்ரனுதிப்ரபே⁴தை³: ।
த³ம்ஷ்ட்ராக்³ரக்⁴ருஷ்டக⁴னப்ருஷ்ட²க³ரிஷ்ட²வர்ஷ்மா
த்வம் பாஹி பி³ஜ்ஞனுத யஜ்ஞவராஹமூர்தே ॥7॥

யாம்யாம் தி³ஶம் பஜ⁴தி கிம்புருஷாக்²யவர்ஷே
ஸம்ஸேவிதோ ஹனுமதா த்³ருட⁴ப⁴க்திபா⁴ஜா ।
ஸீதாபி⁴ராமபரமாத்³பு⁴தரூபஶாலீ
ராமாத்மக: பரிலஸன் பரிபாஹி விஷ்ணோ ॥8॥

ஶ்ரீனாரதே³ன ஸஹ பா⁴ரதக²ண்ட³முக்²யை-
ஸ்த்வம் ஸாங்க்²யயோக³னுதிபி⁴: ஸமுபாஸ்யமான: ।
ஆகல்பகாலமிஹ ஸாது⁴ஜனாபி⁴ரக்ஷீ
நாராயணோ நரஸக:² பரிபாஹி பூ⁴மன் ॥9॥

ப்லாக்ஷேர்கரூபமயி ஶால்மல இந்து³ரூபம்
த்³வீபே பஜ⁴ந்தி குஶனாமனி வஹ்னிரூபம் ।
க்ரௌஞ்சேம்பு³ரூபமத² வாயுமயம் ச ஶாகே
த்வாம் ப்³ரஹ்மரூபமபி புஷ்கரனாம்னி லோகா: ॥1௦॥

ஸர்வைர்த்⁴ருவாதி³பி⁴ருடு³ப்ரகரைர்க்³ரஹைஶ்ச
புச்சா²தி³கேஷ்வவயவேஷ்வபி⁴கல்ப்யமானை: ।
த்வம் ஶிம்ஶுமாரவபுஷா மஹதாமுபாஸ்ய:
ஸந்த்⁴யாஸு ருந்தி⁴ நரகம் மம ஸிந்து⁴ஶாயின் ॥11॥

பாதாலமூலபு⁴வி ஶேஷதனும் ப⁴வந்தம்
லோலைககுண்ட³லவிராஜிஸஹஸ்ரஶீர்ஷம் ।
நீலாம்ப³ரம் த்⁴ருதஹலம் பு⁴ஜகா³ங்க³னாபி⁴-
ர்ஜுஷ்டம் பஜ⁴ே ஹர க³தா³ன் கு³ருகே³ஹனாத² ॥12॥